Spóla í hringi á Selfossi

Nokkuð hefur borið á því að ungir ökumenn á Selfossi noti Austurveg, sem er þjóðvegur eitt, til að reyna kerrur sínar og spóla í hringi með miklum reyk og látum. Lögreglan hefur þegar náð einum þeirra á myndband og sent hann aftur í ökupróf, einnig má hann búast við sektum.

Ófáar kvartanir hafa borist vegna þessa en íbúðir aldraða eru í næsta nágrenni og kann gamla fólkið illa við þessi látalæti.

Lögreglan brá á það ráð að taka athæfið upp á myndband og hefur sú aðgerð þegar borið árangur.

Það þarf varla að taka það fram að með slíku athæfi eru brotin mörg ákvæði umferðalaga.

Þessu greinir fréttavefurinn suðurland frá í dag.