Silvía lak

Myndband við evróvisjónlag Silvíu Nætur er komið út, - óformlega. Til stóð að frumsýna myndbandið í kvöld en, líkt og með lag Silvíu, lak myndbandið á netið fyrr en til stóð og gengur nú manna á millum.

Textanum hefur verið snúið á ensku til að ganga betur í meginlandshlustendur. Til hamingju Ísland er orðið að congratulations og Silvía segist komin til bjargar Evrópu sem hafi beðið komu hennar í ofvæni.

Myndir sem birst hafa frá tökum myndbandsins gefa góða mynd af glysgirninni og litadýrðinni sem ráða heildarmyndinni, sem er samkvæm þeirri ímynd sem Silvía hefur skapað sér.