Fráleitt að setja súlu Yoko í Viðey

Á sameiginlegum blaðamannafundi borgaryfirvalda og listakonunnar Yoko Ono, ekkju Johns heitins Lennons, fyrir rúmum tveimur vikum var tilkynnt að friðarsúla yrði reist í Viðey. Yoko Ono hyggst hanna súluna en Orkuveitan greiða kostnað við byggingu og uppsetningu hennar.

"Mér finnst svolítið skrýstið ef bærinn, og reyndar ríkið líka, eru tilbúin að setja 20 til 30 milljónir í svona ævintýri frá Yoko Ono, að setja upp glersúlu, þegar hægt er að gera svo mikið annað í Viðey," segir Ingólfur Margeirsson. "Mér finnst fáránlegt að nota svona mikla peninga í að setja upp einhverja friðarsúlu fyrir Yoko Ono sem er að þessu fyrst og fremst fyrir peninga.

Meðal hugmynda Yoko Ono er að setja upp friðarverðlaun sem yrðu afhent hér og sáu hvort tveggja hún og fleiri fyrir sér að það myndi draga ferðamenn til Íslands.

"Það sem dregur túrista hingað er náttúra og slíkt en ekki friðarsúla Yoko Ono úti í Viðey," segir Ingólfur. "Ég er sjálfur nýkominn frá New York þar sem ég heimsótti friðarstaðinn sem Yoko Ono kom upp á kotsnað borgarbúa í New York; Strawberry Field í Central Park; og það var, ef ég má nota orðalagið, ekki kjaftur þar."