Segir íslenskt fyrirtæki selja ólöglega veiddan fisk

Breska blaðið The Guardian segir að íslenska fyrirtækið Icelandic Group, sem áður hét SH, selji ólöglega veiddan þorsk úr Barentshafi, sem rússneskir togarar veiði utan kvóta og fari á svartan markað. Blaðið segir að fyrirtækið Ocean Trawlers annist söluna fyrir togarana, en Icelandic Grop hafi keypt á annað þúsund tonn af fiskafruðum af því fyrirtæki í fyrra, og meðal annars selt til þúsunda Fish and Chips veitingastaða á Bretlandi.

Finnbogi Baldvinsson framkvæmdastjóri breska sölusvæðisins segir í viðtali við blaðið, að Icelandic Gropu kaupi fisk af Ocean Trawlers í góðri trú á opinberu eftirliti með veiðunum. -Norðmenn telja að rússneskir togarar veiði allt að hundrað þúsund tonn af þorski umfram kvóta í BArnetshafi á ári,eða sem svarar til meira en helmings alls þorskkvóta hér við land. Norsku strandgæslunni hefur hinsvegar gengið brösuglega við að handsama veiðiþjófana, sem eiga auðvelt með að koma sjóræningjaafalnum i land í Rússlandi og láta svo Ocean Trawlers selja hann á heimsmarkaði.