Rændu um 3 milljörðum króna

Þjófar komust á brott með að minnsta kosti 25 milljón pund eða sem nemur 3 milljörðum íslenskra króna í vopnuðu ráni í peningageymslu í Englandi í dag.

Ræningjarnir náðu öryggismálastjóra fyrirtækis sem fer með öryggisgæslu er lítur að peningageymslunni. Þeir tóku fjölskyldu hans höndum og hótuðu að drepa hana ef hann aðstoðaði þá ekki. Að minnsta kosti sex menn tóku þátt í ráninu en ekki er enn að fullu ljóst hversu mikið fé ræningjarnir höfðu á brott. Talið er að mest allt féið tilheyri Englandsbanka. Ránið virðist hafa verið skipulagt í þaula en öryggisvörðinn, fjölskyldu hans og starfsfólk peningageymslunnar sakaði ekki.