Sendiráð Dana í Indónesíu senn opnað aftur

Danska sendiráðið í Djakarta í Indónesíu verður opnað aftur fljótlega, en það hefur nú verið lokað í tíu daga vegna óeirða í borginni í tengslum við skopteikningarnar af Múhameð spámanni. Sendiherra Dana sneri aftur til Djakarta í dag og opnar sendiráðið eins fljótt og auðið er, segir danska utanríkisráðuneytið.

Sendiráðinu var lokað 11. febrúar þegar herskáir múslímar réðust gegn því og grýttu það með eggjum og tómötum. Þeim tókst hins vegar ekki að komast fram hjá indversku lögreglunni. Danska utanríkisráðuneytið ræður Dönum samt sem áður frá því að ferðast til Indónesíu þar sem öldurnar vegna Múhameðsmyndanna hefur ekki enn lægt algjörlega.