Nauðsynlegt að fólk virði öll trúarbrögð

Benedikt páfi XVI segir nauðsynlegt að fólk virði öll trúarbrögð heimsins og forðist það eftir fremsta megni að vega ómaklega að trúarbrögðum, táknum þeirra og kennisetningum. Páfi lét þessi orð falla í gær eftir að sextán manns biðu bana í mótmælum í Nígeríu um helgina þar sem birtingu margumtalaðra mynda af Múhameð spámanni, sem fyrst birtust í Jótlandspóstinum, var mótmælt. Þá sagði páfi að móðgun gæti aldrei réttlætt ofbeldi. Myndirnar hafa valdið gríðarlegri reiði í múslímaheiminum og hafa mótmælaaðgerðir vegna birtingar þeirra kostað fjörutíu og fjóra lífið.