Sömdu um skiptingu hafsvæðis

Utanríkisráðherrar Danmerkur og Noregs undirrituðu í dag samning um skiptingu landsgrunns og hafsvæðis milli Svalbarða og Grænlands. Um er að ræða 150 þúsund ferkílómetra svæði en því er skipt með miðlínu þar sem viðurkennd er allt að 200 mílna fiskveiðilögsaga frá strandlínum Grænlands og Svalbarða. Þar sem fjarlægðin milli strandanna er innan við 400 sjómílur hefur miðlínuskiptingin gildi. Samningurinn er sagður hafa þýðingu fyrir framtíðarnýtingu bæði fiskistofna og olíu og gass sem kann að finnast á svæðinu.