Viðræður halda áfram á morgun

Rússar og Íranir ætla að halda áfram viðræðum á morgun um auðgun Rússa á úrani fyrir Írani. Samningaviðræður vegna málsins hófust í morgun og lauk fundinum fyrir skömmu.

Ákveðið var við lok viðræðanna í dag að sest yrði að nýju við samningaborðið á morgun. Rússar hafa boðið Írönum að auðga úran fyrir þá til að reyna að stöðva þá deilu sem komin er upp vegna kjarorkuáætlunar Írana. Íranir vilja nota kjarnorku til orkuframleiðslu en Vesturlöndin hafa lýst yfir andstöðu við þessa fyrirætlun þeirra og telja fullvíst að Íranir ætli sér með þessu að framleiða kjarnavopn. Þeir hafa lýst yfir refsiaðgerðum gegn Írönum ef þeir láta verða af áformum sínum.