Giftingarhringar og farsímar í páskaeggjum

Ótrúlegust hlutir geta leynst í páskaeggjum en á síðustu árum hafa giftingarhringir og gsm símar verið meðal þess sem þar hefur mátt finna. Páskaeggin byrja að streyma í verslanir eftir helgi.

Þrjú íslensk fyrirtæki framleiða páskaegg Nói og Siríus, Góa og Móna. Samkvæmt upplýsingum frá fyrirtækjunum eru framleidd í kringum fjögurhundruð þúsund páskaegg í ár, meira eitt páskaegg á hvert mannsbarn. Þá er aðeins miðað við þau páskaegg sem eru seypt á fæti en ef minnstu eggjunum er bætt við þá rúmlega tvöfaldast talan. Flest fyrirtækin hófu framleiðslu sína í kringum áramótin.

Tugir starfsmanna vinna við framleiðsluna og vinsældir eggjanna virðast langt frá því dvínandi. Hjá fyrirtækjunum fengust þær upplýsingar að salan á páskaeggjum hafi verið að aukast á undanförnum árum. Þar getur að þeirra mati spilað inn í að páskaegg eru hlutfallslega ódýrari en áður og fólk er að kaupa sífellt stærri egg.

Séróskir um egg eru alltaf nokkrar og hefur ýmislegt verið sett í eggin í gegnum tíðina eins og gsm símar, giftingarhringir, skartgripir og bréf með bónorði. Ástæðurnar eru margar en allt er þetta gert til að koma þeim sem eggið fær á óvart og gleðja. Nokkuð víst má telja að nýgift kona hafi verið alsæl eftir að hafa opnað páskaegg sitt daginn eftir brúðkaupið og fundið þar flugfarseðla til Karabíahafsins.