Bríet blés til baráttufundar

Feministafélagið Bríet blés til baráttufundar á veitingahúsinu Döbbliner í gærkvöld í tilefni alþjóðlegs baráttudags kvenna. Á fundinum sveif andi fyrri tíma yfir með viðeigandi veggspjöldum og slagorðum. Minnst var upphafs kvennabaráttunnar meðal annars með því að lesa úr ræðu Bríetar Bjarnfreðsdóttur frá árinu 1887 og nútímafeministar ræddu um það sem stendur þeim nær. Þá var mister Lilla með tónlistargjörning og Edda Björgvinsdóttir flutti gamanmál. Á fundinum voru líka rædd ýmis baráttumál kvenna eins og ofbeldi gegn konum, kynjafræði og margt fleira.