Hraðfrystistöðvarhúsið við Mýrargötu horfið

Gamla Hraðfrystistöðvarhúsið við Mýrargötu er nú endanlega horfið, þremur vikum eftir að byrjað var að rífa það. Framhlið hússins var felld í gærkvöld.

Þar með lýkur ríflega 60 ára sögu þess. Það var byggt árið 1941 og verið stækkað nokkrum sinnum en engin starfsemi hefur verið í því í fjölda ára. Eignarhaldsfélagið Nýja Jórvík á lóðina sem húsið stendur á og þar stendur til að byggja sjö hæða íbúðarhús, en framkvæmdir við það hefjast í haust.

Á lóðunum beggja vegna stendur einnig til að rífa hús og byggja upp á nýtt en eitt elsta steinhús borgarinar, sem er steinsnar frá, verður hins vegar óhreyft. Eins og greint hefur verið frá í fréttum stendur til að endurskipuleggja Mýrargötu- og slippasvæðið allt með það að markmiði að fjölga íbúum á svæðinu.

Það var óneitanlega tilkomumikið þegar framhlið Hraðfrystihúsissins var látin hrynj en umferð um Mýrargötu var stöðvuð á meðan á því stóð. Allt gekk slysalaust fyrir sig en kalla þurfti til hreinsunarbíla til að hreinsa götuna eftir hrunið.