Fyrirlestri mótmælt

Nokkrir stúdentar við Háskóla Íslands stóð fyrir mótmælum í og við Odda í hádeginu þar sem fram fór fyrirlestur bandaríska fræðimannsins og stjórnmálaráðgjafans Michael Rubin.

Mótmælendurnir andæfðu þætti hans í stefnumótun bandarískra stjórnvalda vegna innrásarinnar í Írak og dreifðu þeir meðal annars flugritum þar sem hörðum orðum var farið um Rubin.

Fyrr í dag kærðu þeir hann til lögreglunnar í Reykjavík vegna meintrar aðildar að alþjóðlegum glæp. Fyrirlestur Rubins var mjög vel sóttur og gerðu sumir fundarmanna harða hríð að fyrirlesaranum sem svaraði til baka fullum hálsi.