Erlent

Langstærsta rán í sögu Bretlands

MYND/AP
Ævintýralegt rán var framið á Englandi í fyrrinótt þar sem stolið var jafnvirði fimm milljarða íslenskra króna í beinhörðum peningum. Lögregla leitar ræningjanna ákaft en þeir virðast hafa falið slóð sína fullkomlega. Það var í fyrrakvöld sem ræningjarnir, dulbúnir sem lögregluþjónar, stöðvuðu yfirmann fjárgeymslu Securitas í Kent, skammt utan við Lundúnir, þar sem Englandsbanki geymir seðla sína. Þeir sögðu honum að búið væri að ræna eiginkonu hans og syni og ef hann færi ekki með þeim í geymsluna yrði fjölskyldu hans gert mein. Þegar í geymsluna var komið bundu þeir og kefluðu öryggisverðina og næstu klukkustundina dunduðu þeir sér svo við að stafla 43 milljónum sterlingspunda, eða rúmum fimm milljörðum íslenskra króna, í flutningabíl. Að því búnu slepptu ræningjarnir öllum gíslum sínum ómeiddum, þar á meðal fjölskyldu yfirmannsins, og óku svo á brott út í náttmyrkrið.

"Months and months of planning would have gone into this. Surveillance; acquiring police looking uniforms; vehicles; vehicles would have to be stored somewhere. They would have to know where the manager is living, what his routine is, what time of night he was expected home and his root to go home."

Í dag bauð lögregla þeim sem veitt gæti upplýsingar sem leiða myndu til handtöku ræningjanna rúmar tvö hundruð milljónir. Í kvöld greindi svo Sky-fréttastofan frá því að einn hefði verið handtekinn. Þetta er langstærsta ránið í sögu Bretlands.



Erlent Fréttir

Mest lesið


Fleiri fréttir

Sjá meira


×

Mest lesið