Ekki hægt að fylla skarð þyrlusveitar hersins að fullu

Fimm þyrlur eru venjulega staðsettar hjá hernum á Keflavíkurflugvelli en þær eru þrjár þessa dagana og aðeins ein þeirra er tiltæk með skömmum fyrirvara. TF-LÍF hefur verið í 3000 tíma skoðun í um sjö vikur og hefur komi fram óánægja með hversu hægt sú vinna gengur en hún er aðeins framkvæmd á dagvinnutíma vegna fjárskorts.

Björn Bjarnason segir ekki vera kosta að kaupa þyrlur á sama stigi og Bandaríkjaher á en slíkan þyrlukost hafi engin önnur þjóð. Hann segir Dani taka eldsneyti á herskipum sínum því þeir geti það ekki á lofti og til þess horfi Landhelgisgæslan.

Björn segir Landhelgisgæsluna minnst þurfa þrjár þyrlur til að sinna vöktum öllum stundum eins og fram hefur komið hjá Landhelgisgæslunni. Hann bendir einnig á að þó LÍF hafi verið óstarfhæf um nokkrun tíma sé þetta fyrsta slíka skoðunin frá því þyrlan var tekin í notkun árið 1995. Á þeim tíma sé bara búið að fljúga 3000 tíma sem sýni að þyrlurnar séu ekki stöðugt á lofti. Hann segir nauðsynlegt að þjóðir sameini getu sína því hver og einn geti ekki verið í sínu horni.