Í Sviss með Zutons

Hljómsveitin Ampop er nýkomin heim úr tónleikaferðalagi þar sem hún hitaði meðal annars upp fyrir ensku sveitina The Zutons á tvennum tónleikum í Sviss.

Ennig hélt Ampop útgáfutónleika á staðnum Le Divian Du Monde í París í tilefni þess að platan My Delusions kemur út þar í landi í næstu viku.

Útgáfutónleikarnir í París gengu vel að sögn Jóns Geirs, trommuleikara sveitarinnar. Þetta voru reyndar svolítið skrítnir tónleikar því þegar við komum á staðinn komumst við að því að staðarhaldarar áttu í lagadeilum við nágrannana. Þannig að það var risastór desibilamælir í húsinu sem mátti ekki fara yfir 92. Þetta var dálítil áskorun að skila öllu frá sér rétt og halda samt aftur af sér, segir hann.