Snýr baki við Silvíu Nótt 18. maí 2006 06:00 Ástrós Lilja Einarsdóttir. Síðan hefur nú verið lögð niður vegna þess að Silvía Nótt hefur að hennar mati farið yfir strikið. fréttablaðið/Hörður "Dropinn sem fyllti mælinn var fjarvera Silvíu Nætur á bensínstöð Esso við Ártúnshöfða nú á dögunum, þar sem aðdáendur hennar voru samankomnir í þeim tilgangi að fá nýja geisladiskinn hennar áritaðan. Þarna var fjöldi manns samankominn, en sorglegast var að sjá yngstu kynslóðina standandi þarna eins og strandaglópar með tárin í augunum og reiðar mæður að róa þau. Þetta fólk beið klukkutímunum saman til að berja hana augum," segir Ástrós Lilja Einardóttir, stofnandi og eigandi einnar stærstu aðdáendasíðu Silvíu Nætur, www.silvianott.com, sem nú hefur verið lokað fyrir fullt og allt. "Við vorum búin að fá nóg af látalátunum og stjörnustælunum svo ákveðið var að leggja síðuna niður." Í tilefni af lokun síðunnar sendu aðstandendur hennar frá sér yfirlýsingu þar sem fram komu ástæður lokunarinnar. "Til að byrja með voru stjörnustælarnir skemmtilegir enda tilgangurinn með gríninu en hún fór langt yfir strikið. Grínið hefur súrnað og er langt frá því að vera fyndið lengur. Silvía var í okkar huga ein bjartasta von landins og frægðarsól hennar reis óvenju hratt en við áttum ekki von á því að þetta færi út í einhverja vitleysu," undirstrikar Ástrós. "Þá hefur hegðun hennar í Grikklandi valdið okkur miklum áhyggjum. Þarna á hún að vera landi sínu og þjóð til fyrirmyndar en er okkur til háborinnar skammar í raun. Fólk er almennt hneykslað og skilur ekkert í framkomu hennar. Ég fékk tölvupóst síðast í dag frá fokillum Grikkjum sem sögðust sármóðgaðir yfir dónaskapnum í henni. Rétt áður en við lokuðum síðunni hafði fjöldi manns samband við okkur, foreldrar og aðrir, og tjáðu okkur vonbrigði sín með hátterni hennar sem væri komið yfir öll velsæmismörk. Ungar stúlkur fylkjast um stjörnuna og herma eftir öllu sem hún gerir. Þegar fúkyrði fjúka af vörum stjörnunnar í sífellu, taka þær þetta auðvitað upp. Það þykir foreldrum að vonum slæmt. Og nú segist hún aðeins tala ensku jafnvel þótt hún sé að tala við Íslendinga. Ætli ungir íslenskir aðdáendur taki ekki líka upp þessa vitleysu og leggi móðurmálið á hilluna," spyr Ástrós alvarleg í bragði. "Við tökum ekki lengur þátt í þessum sirkus. Vefsíðan okkar hefur verið mikið ævintýri. Hún varð stærri en okkur óraði fyrir og óx mun hraðar en við gerðum nokkri sinni ráð fyrir. Á þeim þremur mánuðum sem síðan hefur verið opin hafa nánast 20.000 manns lagt leið sína hingað. Þetta hefur verið einstaklega skemmtilegt og ég vil nota tækifærið og þakka þeim þúsundum aðdáenda Sivíu Nóttar sem hafa stutt okkur og eins þeim fyrirtækjum sem hafa sýnt okkur stuðning. Að reka aðdáendasíðu kostar bæði mikla fyrirhöfn og pening og þar er ekki auðvelt að loka henni. En fyrir okkur er þetta ævintýri á enda. Við vonum að karakterinn Silvía Nótt, sem Ágústa Eva leikur, taki sig saman í andlitinu," segir Ástrós að lokum og leggur áherslu á orð sín. Í tilefni af undankeppni í Söngvakeppni evrópskra sjónvarpsstöðva sem sjónvarpað verður í kvöld, er rétt er að vekja athygli á því að samkvæmt könnun á vegum Neytendasamtakanna er Ísland í fjórða sæti af þeim 26 löndum sem skoðuð voru, hvað varðar hæsta verð á SMS-skeytum og símaatkvæðum í þátttökulöndunum. Aðeins Grikkir, Rúmenar og Spánverjar greiða hærra verð. Menning Mest lesið „Þetta styrkti mig rosalega en þetta braut mig líka“ Tónlist Fataherbergið seldi henni íbúðina strax Tíska og hönnun Gaman að geta grætt fólk á góðan hátt Lífið Fréttatía vikunnar: Lögreglan, körfubolti og frambjóðendur Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Fjórar dýrindis diskósúpur úr hráefnum sem annars hefði verið hent Lífið Grænmetisæta í 38 ár en ekki lengur Lífið Bakaríið í beinni Lífið Kynfræðingur selur slotið á landsbyggðinni Lífið Fleiri fréttir Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn Sjá meira
"Dropinn sem fyllti mælinn var fjarvera Silvíu Nætur á bensínstöð Esso við Ártúnshöfða nú á dögunum, þar sem aðdáendur hennar voru samankomnir í þeim tilgangi að fá nýja geisladiskinn hennar áritaðan. Þarna var fjöldi manns samankominn, en sorglegast var að sjá yngstu kynslóðina standandi þarna eins og strandaglópar með tárin í augunum og reiðar mæður að róa þau. Þetta fólk beið klukkutímunum saman til að berja hana augum," segir Ástrós Lilja Einardóttir, stofnandi og eigandi einnar stærstu aðdáendasíðu Silvíu Nætur, www.silvianott.com, sem nú hefur verið lokað fyrir fullt og allt. "Við vorum búin að fá nóg af látalátunum og stjörnustælunum svo ákveðið var að leggja síðuna niður." Í tilefni af lokun síðunnar sendu aðstandendur hennar frá sér yfirlýsingu þar sem fram komu ástæður lokunarinnar. "Til að byrja með voru stjörnustælarnir skemmtilegir enda tilgangurinn með gríninu en hún fór langt yfir strikið. Grínið hefur súrnað og er langt frá því að vera fyndið lengur. Silvía var í okkar huga ein bjartasta von landins og frægðarsól hennar reis óvenju hratt en við áttum ekki von á því að þetta færi út í einhverja vitleysu," undirstrikar Ástrós. "Þá hefur hegðun hennar í Grikklandi valdið okkur miklum áhyggjum. Þarna á hún að vera landi sínu og þjóð til fyrirmyndar en er okkur til háborinnar skammar í raun. Fólk er almennt hneykslað og skilur ekkert í framkomu hennar. Ég fékk tölvupóst síðast í dag frá fokillum Grikkjum sem sögðust sármóðgaðir yfir dónaskapnum í henni. Rétt áður en við lokuðum síðunni hafði fjöldi manns samband við okkur, foreldrar og aðrir, og tjáðu okkur vonbrigði sín með hátterni hennar sem væri komið yfir öll velsæmismörk. Ungar stúlkur fylkjast um stjörnuna og herma eftir öllu sem hún gerir. Þegar fúkyrði fjúka af vörum stjörnunnar í sífellu, taka þær þetta auðvitað upp. Það þykir foreldrum að vonum slæmt. Og nú segist hún aðeins tala ensku jafnvel þótt hún sé að tala við Íslendinga. Ætli ungir íslenskir aðdáendur taki ekki líka upp þessa vitleysu og leggi móðurmálið á hilluna," spyr Ástrós alvarleg í bragði. "Við tökum ekki lengur þátt í þessum sirkus. Vefsíðan okkar hefur verið mikið ævintýri. Hún varð stærri en okkur óraði fyrir og óx mun hraðar en við gerðum nokkri sinni ráð fyrir. Á þeim þremur mánuðum sem síðan hefur verið opin hafa nánast 20.000 manns lagt leið sína hingað. Þetta hefur verið einstaklega skemmtilegt og ég vil nota tækifærið og þakka þeim þúsundum aðdáenda Sivíu Nóttar sem hafa stutt okkur og eins þeim fyrirtækjum sem hafa sýnt okkur stuðning. Að reka aðdáendasíðu kostar bæði mikla fyrirhöfn og pening og þar er ekki auðvelt að loka henni. En fyrir okkur er þetta ævintýri á enda. Við vonum að karakterinn Silvía Nótt, sem Ágústa Eva leikur, taki sig saman í andlitinu," segir Ástrós að lokum og leggur áherslu á orð sín. Í tilefni af undankeppni í Söngvakeppni evrópskra sjónvarpsstöðva sem sjónvarpað verður í kvöld, er rétt er að vekja athygli á því að samkvæmt könnun á vegum Neytendasamtakanna er Ísland í fjórða sæti af þeim 26 löndum sem skoðuð voru, hvað varðar hæsta verð á SMS-skeytum og símaatkvæðum í þátttökulöndunum. Aðeins Grikkir, Rúmenar og Spánverjar greiða hærra verð.
Menning Mest lesið „Þetta styrkti mig rosalega en þetta braut mig líka“ Tónlist Fataherbergið seldi henni íbúðina strax Tíska og hönnun Gaman að geta grætt fólk á góðan hátt Lífið Fréttatía vikunnar: Lögreglan, körfubolti og frambjóðendur Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Fjórar dýrindis diskósúpur úr hráefnum sem annars hefði verið hent Lífið Grænmetisæta í 38 ár en ekki lengur Lífið Bakaríið í beinni Lífið Kynfræðingur selur slotið á landsbyggðinni Lífið Fleiri fréttir Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn Sjá meira