Kvöld í Hveró - Hjálmar

Hjálmar efna til tónleika í Hveragerðiskirkju föstudaginn 3. júní. Tónleikarnir eru lokakonsert tónleikaraðarinnar Kvöld í Hveró sem fram hefur farið í kirkjunni nú á vormánuðum. Hjálmar eru ein af vinsælustu hljómsveitum landsins um þessar mundir og var meðal annars valin Bjartasta Vonin á Íslensku tónlistarverðlaununum á síðasta ári. Bandið kemur sérstaklega tíl landsins tíl að taka þátt í Kvöld í Hveró og spila í Hveragerðiskirkju. Hjálma skipa:  Guðmundur Kristinn Jónsson (gítar), Petter Winnberg (bassi), Sigurður Halldór Guðmundsson (Söngur og Hammond),  Þorsteinn Einarsson  (Söngur og gítar),  Nisse Törnqvist (trommur),  Mikael Svenson (Clavinet og Wurlitzer). Helgi Valur Ásgeirsson trúbador frá Hveragerði hitar upp fyrir Hjálma og flytur lög af nýútkominni sólóplötu sinni.  Yfirlýst markmið tónleikaraðarinnar Kvöld í Hveró er að auka fjölbreytni í menningu á svæðinu, opna augu almennings fyrir þeim möguleika að íslensk popptónlist eigi ekki síður heima í kirkju en klassíkin og gefa ungu og hæfileikaríku tónlistarfólki af Suðurlandi tækifæri til að að hita upp fyrir þá listamenn sem fram koma. Hljómburður í Hveragerðiskirkju þykir mjög góður. Aðstandendur Kvölds í Hveró eru Norsk-Íslenska Skjallbandalagið Inc. sem í eru Ásgerður Eyþórsdóttir og Monica Haug.   Miðaverð á tónleikana er 1500 krónur. Frekari upplýsingar má finna á www.kvoldihvero.go.is, www.tonlist.is og í síma 692 8531. Forsala á miðum fer fram á eftirtöldum stöðum: Tólf Tónar - Reykjavík Hljóðhúsið - Selfoss Tían -  Hveragerði Þá verður einnig hægt að kaupa miða við kirkjudyr.  Hægt er að panta miða á netinu og í síma 4834691   Konsertinn hefst kl. 21.00 en kirkjan opnar kl. 20.00 og er fólki bent á að koma tímanlega til að ná örugglega í miða. Ekki er tekið við kortum.  Hótel Örk í Hveragerði býður einnig upp á Nótt í Hveró í tengslum við tónleikana.  Boðið er upp á gistingu með morgunverði ásamt tónleikamiða á aðeins 4900 kr. fyrir mann í tvíbýli.