Flökkusagan um kettlinga í þvottavélum sönn

Flökkusagan um kettlinga sem lenda í þvottavélum með skelfilegum afleiðingum er ekki bara sönn, heldur gerist þetta bara nokkuð oft. Dýralæknir segir nauðsynlegt að kattaeigendur hugi vel að því að Keli litli eða Snúlla séu víðsfjarri þegar þvottavélin er sett í gang.

Katrín Harðardóttir, dýralæknir á dýraspítalanum í Víðidal, segir að nokkrum sinnum á ári hringi fólk sem hafi óvart lokað dýrið sitt inni í uppþvottavél, þurrkara eða þvottavél. Fólk þurfi að gæta sérstaklega að kettlingum sem leiti í mjúkan þvottinn hvort sem hann sé í þvottkörfunni eða opinni þvottavél.

Katrín segir afleiðingarnar skelfilegar. Dýrin lifi eðlilega ekki af þvottavélaferðina og því sé sorg eigendanna oft mikil. Því sé brýnt að passa vel upp á að skilja ekki þvottavélar eftir opnar og ekki síst að gæta þess aðkettlingar liggi ekki í vélunum. Kettlingarnir sækja líka í óhreina diska í uppþvottavélum og það þarf ekki síst að passa, eins og dæmin sanna. Katrín segist aðeins þekkja eitt dæmi þess að köttur hafi lokast inni í uppþvottavél, en þá hafi hann verið að sleikja diska og lokað hafi verið á hann. Sá hafi bjargast því heimilisfólkið hafi heyrt strax í honum.

Og það er ekki að spyrja að því með kisurnar eins og mennina yfir hátíðirnar: Ofátið vill bera þá ofurliði og því má greina auknar komur katta með meltingartruflanir á dýraspítalayfir jól.En það er fleira en rjómi og rækjur sem kettirnir sækja í um jól og getur reynst þeim skaðleg. Katrín segirborða utan um pakka sérstaklega hættulega því kettir geti étið þá og þeir fest í görnununum í þeim. Slík mál komi inn á hennar borð einu sinni til tvisvar á ári.