Nýr stjórnarformaður Alcoa Fjarðaráls

Jean-Pierre Gilardeau, forstjóri Alcoa í Kanada tekur um áramótin við stjórnarformennsku hjá Alcoa Fjarðaáli á Reyðarfirði, en núverandi stjórnarformaður er Mike Baltzell. Forstjóri Alcoa Fjarðaáls er Tómas Már Sigurðsson.

Skipulagsbreytingin er liður í þeirri fyrirætlun Alcoa að koma upp fræðslu- og þekkingarsetri í rekstrarstjórn. Setrið mun halda utan um þekkingu varðandi áliðnað fyrirtækisins og veitir Jean-Pierre því forstöðu. Þetta fyrirkomulag tryggir að bestu aðferðir í rekstrari verði notaðar hjá Alcoa Fjarðaáli og í öðrum framtíðarverkefnum Alcoa. Jean-Pierre er verkfræðingur og var forstjóri álversins Eastalco Works í Maryland í Bandaríkjunum og álversins í Deschambault í Quebec-fylki í Kanada.