Nektarmynd af kennara send til nemenda

Lögreglan á Kýpur rannsakar nú all sérstakt mál þar sem nakinn kennari kemur við sögu. Þannig er að umræddur kennari, sem er kvenkyns, þurfti að bregða sér frá í miðri kennslustund á dögunum. Farsími konunnar varð hins vegar eftir í skólastofunni og ákvað einn nemandinn að skoða hann aðeins nánar. Sú skoðun skilaði góðum árangri, ef svo má segja, því í ljós kom að kennarinn var með mynd af sjálfri sér á evuklæðunum einum saman í símanum. Áður en langur tími var liðinn höfðu allir nemendur, sem og starfsmenn, skólans fengið myndina senda. Kýpverska lögreglan reynir nú að finna út hvaða nemandi það var sem framdi „glæpinn".