Innlent

Kaldasti september síðan 1982

Frost mældist 3,4 gráður í Reykjavík sunnudaginn 25. september og þarf að fara rúm þrjátíu ár aftur í tímann til að finna dæmi um slíkan kulda í höfuðborginni í september. Mánuðurinn var kaldur um land allt og hefur ekki verið kaldara í september um land allt síðan árið 1982. Úrkoma á Akureyri var rúmlega tvöfalt meiri en í meðalári og festi snjó þar dagana 24. og 25. september. Slíkt sætir tíðindum enda var þetta einungis í sjötta skipti síðustu 40 árin sem slíkt gerist. Úrkoma í Reykjavík var hins vegar langt undir meðaltali, 41 millímetri en er venjulega um hundrað millímetrar. Þó kalt væri í borginni lék sólin við borgarbúa, sólskinsstundir voru 184,7, um 60 stundum yfir meðaltali og er síðasti mánuður þriðji sólríkasti september frá árinu 1954.
Fréttir Innlent Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið