Takk gerir það gott

Nýjasta plata Sigur Rósar, Takk, hefur gert það gott um allan heim. Í fyrstu vikunni eftir að platan kom út fór hún beint í fyrsta sæti hér á landi. Í Bretlandi hoppaði hún í sextánda sæti og í Bandaríkjunum í það tuttugasta og sjöunda. Frændum okkar Norðmönnum virðist einnig líka vel við plötuna en þar er hún nú í fjórða sæti. Platan þykir ólík fyrri plötum hjómsveitarinnar en hljómsveitin hefur á undanförnum árum notið mikilla vinsælda um allan heim og hefur meðal annars verið tilnefnd til Grammy-verðlauna.