Jackson að flytja til Berlínar?

„Ich bin ein Berliner“ er líkast til ein frægasta setning stjórnmálasögunnar á síðustu öld og bráðum getur poppgoðið undarlega, Michael Jackson, mælt hana af vörum með sannfæringu. Þýska götublaðið Bild greinir frá því á forsíðu í dag að Jackson ætli að flytja til Berlínar. Skemmst er að minnast þess þegar Jackson sveiflaði kornabarni sínu út um glugga á einu af dýrustu hótelum borgarinnar. Nú segir Joe Jackson, faðir Michaels, að honum líki dýragarðurinn í Berlín, nágrannabærinn Potsdam og stuðningur evrópskra aðdáenda svo vel að hann sé harðákveðinn í að flytja til Evrópu.