Sápa gerð úr fitu af Berlusconi

Eitt furðulegasta listaverkið sem nú er til sýnis á listasafninu í Basel í Sviss er líklega sápustykki sem liggur ofan á svörtu flauelsáklæði. Það merkilega við sápuna er að hún er gerð úr fitu af líkama Silvio Berlusconis, forsætisráðherra Ítalíu. Ráðherrann fór í fitusog fyrir nokkrum mánuðum og fékk listamaðurinn Gianni Monti að njóta góðs af því til að skapa hið all sérstæða listaverk sitt. Og það leið aðeins tæp klukkustund frá því sýningin var opnuð þar til sápan var seld. Verðið: 15 þúsund evrur eða 1,2 milljónir króna.