Dáin í yfir tvö ár

Jarðneskar leifar fjögurra manna af þremur kynslóðum sömu fjölskyldu hafa fundist í íbúð í Moskvu, þar sem líkin lágu í að minnsta kosti í tvö ár uns lögreglu var gert viðvart vegna vangreiddra reikninga. Líkin eru af afa og ömmu, dóttur þeirra og dótturdóttur og fundust í íbúð í suðausturhluta rússnesku höfuðborgarinnar, að því er greint er frá á fréttavef BBC. Það sem gerir ráðgátuna enn torræðari er að svo virðist sem fólkið hafi ekki dáið allt á sama tíma, heldur með allt að þriggja ára millibili. Lögregla gat að svo komnu máli ekki úrskurðað neitt um dánarorsök en hún hefur hafið morðrannsókn.