Afhenda ráðherra undirskriftir

Einar Árnason mun afhenda heilbrigðisráðherra hátt í fimm þúsund undirskriftir á Alþingi klukkan korter fyrir fjögur. Þessir fimm þúsund einstaklingar skora á heilbrigðisráðherra að sjá til þess að í framtíðinni verði sólarhringsbakvakt á skurðstofunni á Heilbrigðisstofnun Suðurnesja. Ófædd dóttir Einars og konu hans lést í sjúkrabíl á leiðinni til Reykjavíkur en í fyrra voru tíu konur fluttar af Suðurnesjunum beint inn á skurðdeild í Reykjavík. Um sextán þúsund manns búa á Suðurnesjum.