Flokkurinn mun rétta úr sér

"Flokkurinn hefur legið nokkuð lágt í skoðanakönnunum að undanförnu," segir Magnús Stefánsson varaformaður þingflokks Framsóknarflokksins. "Ég hef svo sem engar skýringar á því. Það er staðreynd að meðan flokkurinn er í ríkisstjórn er tiltölulega gott gengi á flestum hlutum í þjóðfélaginu. Ég er sannfærður um að flokkurinn muni rétta úr sér. Það getur verið að umfjöllunin að undanförnu, meðal annars í Fréttablaðinu um innri mál flokksins, hafi eitthvað að segja, en ég get svo sem ekki dæmt um það í sjálfu sér. Því er ekki að neita að mér finnst fjölmiðlar hafa verið að draga upp einhverja mynd um að það sé eitthvað að í flokknum, og ef almenningur trúir því getur það haft einhver áhrif."