Framsókn myndi missa sjö þingmenn

Framsóknarmenn myndu missa sjö þingmenn, ef kosið væri nú, samkvæmt nýrri skoðanakönnun Fréttablaðsins. Fylgi framsóknarmanna hefur ekki mælst þetta lítið í skoðanakönnun Fréttablaðsins síðan í júní og júlí á síðasta ári. Á öðrum tímum hefur flokkurinn alltaf mælst með fylgi yfir tíu prósentum. Mikill munur er á fylgi flokksins á landsbyggðinni og á höfuðborgarsvæðinu. Um 12,8 prósent fólks á landsbyggðinni segjast styðja Framsóknarflokkinn en einungis 4,8 prósent á höfuðborgarsvæðinu. Þetta er mun meiri munur en mældist í könnun blaðsins í nóvember, þegar 14,8 prósent fólks á landsbyggðinni sögðust styðja Framsóknarflokkinn en 10,4 prósent fólks á höfuðborgarsvæðinu. Sjálfstæðisflokkurinn eykur fylgi sitt nokkuð síðan í nóvember á síðasta ári þegar fylgið mældist með rétt rúm 30 prósent. Nú segjast 35 prósent kjósenda myndu kjósa Sjálfstæðisflokkinn ef boðað væri til kosninga í dag. Flokkurinn hefur mun meiri stuðning á höfuðborgarsvæðinu en á landsbyggðinni, og segjast 38,9 prósent íbúa á höfuðborgarsvæðinu styðja Sjálfstæðisflokkinn en 29,1 prósent kjósenda á landsbyggðinni. Samfylkingin mælist aftur sá flokkur sem mest hefur fylgið, en rúm 35,2 prósent segjast myndu kjósa Samfylkinguna. Munurinn á milli fylgi Sjálfstæðisflokks og Samfylkingar er þó óverulegur og myndu báðir flokkar fá 23 þingmenn. Fylgi Vinstri-grænna hefur aðeins dalað frá síðustu könnun blaðsins í nóvember, eða úr 18,2 prósentum í 14,4 prósent. Fylgi flokksins mælist þó meira en í síðustu kosningum og myndi flokkurinn bæta við sig fjórum þingmönnum ef kosið væri nú. Fylgi Frjálslynda flokksins mælist nú 6,7 prósent, sem er aðeins minna en í flokkurinn hlaut í kosningum, en er um tvöfalt fylgi flokksins í síðustu könnun blaðsins. Hringt var í 800 manns 1. febrúar, sem skiptust jafnt milli kynja og hlutfallslega eftir kjördæmum. Spurt var: Hvaða lista myndir þú kjósa ef gengið yrði til þingkosninga nú? 56,1 prósent tók afstöðu til spurningarinnar. FYLGI FLOKKA Alþingis- kosningar 2003  ág.2003 sept. 2003 feb.2004 maí 2004 maí 2004 jún.2004 júl.2004 sept.2004 nóv.2004 feb.2005 Framsóknarflokkurinn (B) 17,7% 13,1% 17,9% 11,2% 14,7% 10,9% 8,1% 7,5% 13,5% 12,3% 8,0% Sjálfstæðisflokkurinn (D) 33,7% 40,6% 35,2% 37,9% 27,9% 25,0% 34,7% 32,3% 34,9% 30,3% 35,0% Frjálslyndi flokkurinn (F) 7,4% 8,3% 9,4% 7,0% 5,1% 4,6% 3,2% 8,3% 6,1% 3,1% 6,7% Samfylkingin (S) 30,9% 31,4% 28,4% 30,9% 39,1% 41,3% 37,0% 31,3% 28,6% 35,1% 35,2% Vinstri-grænir (U) 8,8% 6,0% 9,0% 12,6% 13,3% 17,2% 16,7% 20,5% 16,5% 18,2% 14,4% Fjöldi þingmanna                                              B D F S U Þingmenn (skv. könnun 01.02)  5 23 4 23 9 Þingmenn nú                         12 22 4 20 5