Kjartan lagður af stað

Kjartan Jakob Hauksson komst loksins af stað frá Reykjafirði eftir hádegi í gær eftir að hafa verið veðurtepptur þar í fjóra daga. Vindur var þó enn nokkur og hann hélt sig nærri landi. Kjartan rær nú hringinn í kringum landið til stuðnings Hjálparliðasjóði Sjálfsbjargar og lagði af stað frá Bolungarvík á sjómannadaginn. Alls hafa safnast um 650.000 krónur síðan hann lagði af stað frá einstaklingum, stofnunum og fyrirtækjum. Hægt er að styrkja söfnunina um þúsund krónur með því að hringja í söfnunarsímann 908-2003 eða með því að fara heimasíðuna www.sjalfsbjorg.is.