Sýndu Jackson stuðning

Aðdáendur Michaels Jackson komu saman fyrir framan búgarð stjörnunnar í gær til að sýna honum stuðning en lögmenn hafa lokið störfum og er beðið niðurstöðu kviðdómenda í málinu. Búist er við að ekki taki lengur en viku að klára málið. Jackson er ákærður fyrir að misnota 13 ára dreng kynferðislega og gæti átt yfir höfði sér margra tuga ára fangelsisvist verði hann fundinn sekur. Aðdáendur Jacksons eru þó vissir um að hann verði sýknaður og saka fjölskyldu drengsins um að ljúga upp á Jackson í þeim eina tilgangi að hagnast fjárhagslega.