Eldri borgarar krefjast kjarabóta

Landssamband eldri borgara vill að ríkisstjórnin geri nú þegar ráðstafanir til þess að bæta kjör eldri borgara og krefst þess að grunnlífeyrir verði alltaf undanþeginn sköttum. Þá er farið fram á að tekjutrygging, heimilisuppbót, tekjutryggingarauki og eingreiðslur verði felldar saman í einn greiðsluflokk sem verði á þessu ári hjá einstaklingum 90 þúsund krónur á mánuði og hjá hjónum og sambúðafólki um 70 þúsund krónur á mann. Þá er farið fram á að áhrif skatta og tekjutengingar á laun og lífeyrissjóðstekjur, undir 160 þúsundum króna á mánuði, verði ekki hærri en 50% af þeim tekjum og að fjármagnstekjur séu ekki tekjutengdar bótagreiðslum. Þetta kom fram á landsfundi samtakanna.