Kýr handtekin fyrir manndráp

Lögreglan í Ojo-héraði í Nígeríu, skammt frá borginni Lagos, handtók kú eftir að hún hafði drepið rútubílstjóra sem var að létta á sér í vegarkanti og sært nokkra vegfarendur til viðbótar. Kýrin er fagurlega hyrnd og beitti hornunum fyrir sig í einhverri brjálsemi sem kom yfir hana. Lögreglustjórinn heimtaði að kýrin yrði handsömuð á lífi og eftir nokkurn eltingarleik náðist hún og er hún í haldi á lögreglustöðinni. Lögreglan leitar nú eigandans til að geta kært hann fyrir að hafa ekki stjórn á búpeningi sínum.