Aldrei fleiri brautskráðir

Kandídatar voru brautskráðir frá Kennaraháskóla Íslands í gær og hafa aldrei fleiri verið brautskráðir en nú, alls 509 talsins. Annars vegar var brautskráð úr grunndeild skólans og hins vegar úr framhaldsdeild. Í ávarpi sínu við athöfnina gerði dr. Ólafur Proppé, rektor, að umræðuefni hversu mikilvægt væri að vel væri staðið að menntun uppeldis- og umönnunarstétta, en slíkum störfum sinna nú fleiri en til dæmis landbúnaði og fiskveiðum til samans. Einnig greindi rektor frá því að í undirbúningi væru breytingar á öllu námi við skólann til að tryggja enn betur gæði þeirrar starfsmenntunar sem skólinn veitir.