Saka kennararáð um rógburð

Sjö kennarar við Landakotsskóla hafa sent frá sér yfirlýsingu vegna þeirra deilna sem staðið hafa í skólanum að undanförnu. Þar segir m.a. að aðför fyrrverandi kennararáðs og skólanefndar að skólastjóra, aðstoðarskólastjóra, kennurum og nemendum hafi verið neiðkvæð gagnrýni í óhuggulegasta skilningi þess orðs. Yifrlýsingin er svohljóðandi: „Við undirtiaðir kennarar við Landakotsskóla, teljum að ein af grundvallar forsendum fyrir framförum í skólastarfi sé jákvæð gagnrýni sem bygist á faglegum, löglegum og siðferðislegum vinnureglum. Við teljum einnig að neikvæð gagnrýni í formi baktals, rógburðar og níðs um samstarfsfólk og nemendur sé ekki einungis siðlaus og löglaus heldur vísasta leiðin til að leggja allt heilbrigt skólastarf í rúst. Aðför fyrrverandi kennararáðs og skólanefndar að skólastjóra, aðstoðarskólastjóra, kennurum og nemendum var neiðkvæð gagnrýni í óhuggulegasta skilningi þess orðs. Hún var ófagleg, ólögleg, óskynsamleg og ósiðleg. Við munum aldrei sætta okkur við starfsaðstæður þar sem slík vinnubrögð eru í heiðri höfð. Sú afstaða fyrrverandi skólanefndar að hlusta á rógburð kennararáðsins fyrrverandi, víkja fyrrverandi aðstoðarskólastjóra úr starfi á grundvelli rógsins og án áminningar eða andmælaréttar, stinga rógbréfinu undir stól og neita að afhenda það, þeim sem málið varða, þrátt fyrir eftirgang úrskurðarnefndar upplýsingamála, sýnir svo siðlausa og ófaglega afstöðu og einbeittan brotavilja, að við slíkt verður aldrei unað. Prófsteinninn á sáttavilja núverandi skólastjórnar hlýtur því að felast í þeirri yfirbót, að draga fram rógbréfið og afhenda það þeim einstaklingum og forráðamönnum sem málið varða. Laufey Jónsdóttir, Jónas R. Sigfússon, Þorgeir Frímann Óðinsson, Karen Ósk Úlfarsdóttir, Áslaug María Gunnarsdóttir, Marta Guðjónsdóttir, Stepanie Scobie.“