Skref í átt að þriðju kynslóð

Tekin hefur verin upp EDGE-tækni í far­síma­­kerf­um Og Vodafone, en hún eykur hraða gagnaflutninga til muna. Síminn vinnur að innleiðingu sömu tækni. EDGE-tæknin er skref í átt að þriðju kynslóðar farsímaþjónustu, en skammstöfunin stendur fyrir En­hanced Data Rates for Global Evo­lution.

Stundum er talað um að aðra og hálfa kynslóð farsíma, en þar er átt við EDGE-tæknina. Í tilkynningu fyrirtækisins kem­ur fram að fyrst í stað nái EDGE-net­ið yfir höfuðborgarsvæðið og Eyjafjörð, en farsímanotendur þar með síma sem styður tæknina geta miðlað gögnum, ljósmyndum, hreyfi­myndum eða vafrað á internetinu á þrisvar til fjórum sinn­um meiri hraða en hingað til.

Flutningshraði í EDGE-kerfinu ræðst af fjarlægð frá sendum og getu einstakra farsíma, en í kerfi Og Vodafone býður tæknin upp á send­ing­ar á allt að því 240 kílóbita hraða á sekúndu.