Útlendingum haldið frá landinu

Íslensk stjórnvöld leita að öllum hugsanlegum ástæðum til að koma í veg fyrir að útlendingar frá fjarlægum löndum komist til landsins eða fái að dveljast hér, segir Ragnar Aðalsteinsson lögmaður. Hann telur að framkvæmd útlendingalaganna sé mun strangari en sjálf löggjöfin. Ragnar Aðalsteinsson lögmaður segir það geðþáttaákvörðun sem fari þvert gegn stefnu íslenskra stjórnvalda að hafa veitt bandaríska skákmanninum Bobby Fischer undanþágu um dvalarleyfi hér á landi. Hann segir að slíkar undanþágur skapi slæmt réttarástand og veki óánægju. Undanþágur geti vitaskuld komið til álita við sérstakar aðstæður en þær þurfi að vera með þeim hætti að réttlætanlegt sé að beita slíkum ákvæðum. Ragnar telur að stefna stjórnvalda gagnvart útlendingum sé mjög ströng en að framkvæmdin sé enn strangari. Ragnar segir eðlilegt að veita útlendingum undanþágu þegar þeir eigi mikil tengsl við landið eða eigi fjölskyldu hér á landi. En framkvæmd laganna sé ekki með eðlilegum hætti. Í henni séu allar hugsanlegar aðferðir notaðar til að koma í veg fyrir að útlendingar frá hinum fjarlægari löndum komist hingað eða fái viðhaldist hér á landi, t.d. á forsendum ýmis konar formgalla.