Stofnun verður heimili

Nafni Öldrunarstofnunar Akureyrarbæjar hefur verið breytt í Öldrunarheimili Akureyrar. Sérskipuð dómnefnd hefur kveðið upp úr með þetta að undangenginni nafnasamkeppni. Engum fjölmargra þátttakenda í samkeppninni flaug nafnið í hug heldur er það hugarsmíð bæjarstarfsmanna. Engin tillagna þátttakenda þótti nógu góð eða við hæfi og þurftu bæjaryfirvöld því að taka málið í eigin hendur. Verðlaun sem sigurvegaranum var heitið ganga augljóslega ekki út og verður andvirði þeirra varið til að gera íbúum öldrunarheimila bæjarins glaðan dag.