Myrti og riðlaðist á líkinu

Geðklofa Litháinn, Kestutis Baginskas, sem myrti konu og svívirti á hrottalegan hátt í heimalandi sínu má dveljast á Íslandi samkvæmt dómi Hæstaréttar. Frásögn lithísks dagblaðs af hinum hrottlega glæp Kestutis er rakin í DV í dag. Í litháíska dagblaðinu er greint frá því hvernig þriggja barna móðir sem keypti bíl af Kestutis varð að fórnarlambi viðbjóðslegs glæps þegar hún freistaði þess að fá Kestutis til að skrifa undir afsal að bílnum. Kestutis var úrskurðaður með ofsóknarkenndan geðklofa í kjölfar voðaverksins en var útskrifaður af geðveikrahæli árið 1999. Skömmu síðar kom hann til Íslands en var vísað frá landinu af yfirvöldum. Hæstiréttur hnekkti þeim úrskurði síðast liðinn fimmtudag. Nánar í DV í dag.