Skipulagi ekki fylgt

Þrátt fyrir að markmið í skipulagsmálum höfuðborgarsvæðisins séu skýr er erfitt að uppfylla þau, segir Þorsteinn Víglundsson forstjóri BM Vallár þjónustufyrirtækis á byggingarmarkaði. "Það er til dæmis margítrekuð stefna borgarinnar að þétta byggð í kringum miðbæ borgarinnar. Þó er erfitt að átta sig nákvæmlega á hvaða breytingar er óhætt að fara úti og hvaða ekki." Þorsteinn segir að vegna hve erfiðlega gangi að fá breytingartillögur samþykktar þegar á reyni sæki byggingarverktakar í auknum mæli um byggingarleyfi fyrir mun hærri byggingar en þeir hugsi sér að reisa. Sé það afleiðing þess að skipulagi sé ekki framfylgt: "Það er engin leið að meta fyrir fram hvað er heimilt og hvað ekki. Rætt er um meðal verktaka að þeir viti ekki hvað borgin vilji, aðeins að það sé minna en þeir vilji." Þorsteinn segir einnig ítrekað hafa komið upp að eftir að verktaka berist athugasemdir við byggingum og skili inn breytingum séu gerðar athugasemndi við atriði sem hafi ekki breyst milli umfjallanna. Skortur á framfylgni skipulags sé þó mest þegar komi að endurgerð húsnæða ogþegar byggt er inn í gömlum bæjarkjörnum. Þar rísi upp óánægjuraddir íbúanna sem hafi áhrif á samþykkt skipulag sveitarstjórnanna: "Ef verktakar uppfylla allar meginreglur á hann ekki að eiga á hættu að vinna hans sé stöðvuð og tafin." Steinunn Valdís Óskarsdóttir formaður skipulags- og byggingarnefndar Reykjavíkurborgar segir óljóst hvað vaki fyrir Þorsteini með sífelldri gagnrýni á skipulagsstörf í Reykjavík: "Það er af og frá að svona sé unnið. Skipulags- og byggingarnefnd vinnur faglega og sendir hluti í kynningu sem að hún vill kanna viðbrögð við," segir Steinunn. Áhugi borgarbúa á framkvæmdum í sínu nágenni sé alltaf að aukast: "Það er í anda lýðræðislegs samráðs að taka mið af athugasemdum sem fólk gerir til nefndarinnar út af skipulagsmálum," segir Steinunn. Það geti haft margvíslegra breytinga: "Skipulagsyfirvöld þurfa að taka tillit til margar þátta. Sjónarmið íbúa, hagsmuanaðlila og verktaka þurfa öll að vega jafnt."