Líklega í stjórn með D-lista

Héraðslistinn fékk fjóra menn kjörna í sveitarstjórnarkosningum á Héraði á laugardag. Nafnið Fljótdalshérað var efst á lista yfir hugsanlegt nafn á sameinuðum sveitarfélögum Austur- og Norður Héraðs og Fellahrepps. Skúli Björnsson, oddviti Héraðslistans, var á leið á fund fulltrúa listans þegar rætt var við hann. Þar ætti ráðast hvort starfað yrði með framsóknarmönnum eða sjálfstæðismönnum. "Við höfum verið í samstarfi við Sjálfstæðisflokkinn hér á Austur-Héraði. Það hefur gengið mjög vel," sagði Skúli spurður um hvor flokkanna standi Héraðslistanum nær. Sjálfstæðisflokkurinn og Framsókn fengu hvorir um sig þrjá menn kjörna. Listi Áhugafólks um sveitarstjórnarmál einn mann. Nafnið Fljótsdalshérað kusu 689. Þau nöfn sem ekki hlutu náð fyrir augum meirihlutans voru Egilsstaðabyggð með 149 atkvæði og Sveitarfélagið Hérað sem 263 kusu, samkvæmt vef Austur-Héraðs. Niðurstaða kosninga á nafni sveitarfélagsins er ekki bindandi fyrir nýja sveitarstjórn. Skúli segir þó erfitt að ganga fram hjá nafninu. Stuðningur þess sé mikill.>