Iðnnemar bitbein HÍ og ríkisins

Nemendur í iðn- og verknámi hafa ónothæf stúdentspróf í höndunum og eru notaðir sem bitbein í deilu Háskóla Íslands og ríkisins, segir Jónína Brynjólfsdóttir, framkvæmdastjóri Iðnnemasambands Íslands. Hún segir aðhaldsaðgerðir Háskólans aðför að verknámi. Frá árinu 2002 hefur iðn- og verknámsnemum staðið til boða 45 eininga viðbótarnám til stúdentsprófs, en það dugir ekki lengur til náms við Háskólann. Jónína segir mikla óánægju meðal iðnnema vegna málsins. Það sé ekki rétt að aðhaldsaðgerðir í Háskóla Íslands bitni á iðnnemum. Jónína segir þetta klárlega mismunum. Mikill meirihluti iðn- og verknámsnema hafi allt að 200 eininga nám að baki á meðan bóknámsnemar ljúki 140 einingum og standi allar dyr Háskólans opnar. Iðn- og verknámsnemar hafi lagt á sig mikla vinnu og tekið viðbótarnámið í kvöldskóla meðfram námi, eða lengt námstíma sinn um ár til þess eins að fá hvíta húfu við útskrift, en engin réttindi. Sambandið hefur einnig áhyggjur af því að þeim sem velja iðn- og veknám muni fækka í kjölfar þessa ástands.