Veirur orðnar fleiri en í fyrra 17. október 2005 23:41 Þótt árið 2004 sé rétt hálfnað eru tölvuveirur þegar orðnar fleiri en allt árið 2003. Sasser kallaðist sá síðasti og gerði stormandi ólukku víða um heim, einn af mörgum ormum með mörgum afbrigðum, en slíkir ormar virðast einmitt vera í sérstakri tísku nú um stundir, ef þannig má að orði komast. Þetta má lesa á vef Tæknivals, taeknival.is.Í sumum tilvikum eru afbrigðin orðin svo mörg að stafrófið dugar ekki til. Þannig er nú kominn á kreik ormur sem kallast Bagle.ab! Forverar hans höfðu étið upp allt stafrófið og því þarf að byrja á nýjan leik. Allir vita að tölvuveirur valda ekki aðeins usla, þær valda líka beinu og óbeinu fjárhagstjóni. Fyrirtæki sem lendir í því að tölvukerfið hrynur vegna veiru verður fyrir miklum fjárhagsskaða en jafnvel þótt veirur gangi ekki að tölvukerfum í rúst skaprauna þær starfsmönnum og draga úr framleiðni hjá stofnunum og einkafyrirtækjum. Til marks um tjónið af völdum Sassers má nefna að það er metið á 500 milljónir dala á heimsvísu. Mikil upphæð en þó smá þegar horft er til tjónsins sem MyDoom hefur valdið; sérfræðingur hjá veiruvarnarfyrirtæki telur að í árslok verði sá skaði metinn á 4 milljarða dala. Fyrsta afbrigðið af Sasser var uppgötvað í byrjun maí. Á fáeinum dögum var fimm nýjum afbrigðum sleppt lausum. Jafnvel eftir að þýskir táningurinn sem játað hefur ormasmíðina var handsamaður skaut nýtt afbrigði upp kollinum. F-afbrigðið. Og það er ekkert lát á ormum - þriðjudaginn 11. maí var enn á ný uppgötvaður nýr fjári. Wallon kallast hann og beinir spjótum sínum að notendum Windows Media Player. Á hverju ári eru búnar til um 75 þúsund mismunandi tölvuveirur. Aðeins lítið brot af þessum fjölda reynist valda einhverjum skaða, eða um 1000 veirur árlega. Baráttan gegn Sasser og hans líkum er að mati eins af stjórnendum veiruvarnarfyrirtækisins Trend Micro þrungin alls kyns siðferðilegum álitamálum. Hann spurði einfaldlega í ljósi ofangreindra staðreynda: Er það þá glæpur að forrita veiru? Sjálfur svarar hann spurningunni á þann veg að líkast til sé ekkert ólöglegt við smíðina eina svo fremi veiran sé ekki send í dreifingu, enda sé veiran aðeins tölvukóði. Að skrifa slíkan tölvukóða geti jafnvel verið varið af stjórnarskránni, undir fyrstu málsgreininni um tjáningarfrelsið! Ýmsir hafa vakið athygli á því að lögregluyfirvöld sýna einmitt tölvuveirum lítinn áhuga - nema auðvitað þeim allra stærstu eins og Sasser. Almennt má hins vegar segja að veiruhöfundar gangi lausir án þess að vera hundeltir af löggunni. Þeir sem bera ábyrgð á rannsókn slíkra mála telja nefnilega að sökum þess að veirur eru svo almennar og meðaltalstjónið hjá hverjum tölvunotanda svo lítið að önnur glæpastarfsemi sem tengist Netheimum eigi að hafa forgang. Rannsóknir á tölvuglæpum eins og fjársvikum og fjárdrætti eru skör hærra settar. Stjórnandinnn hjá Trend Micro telur að vegna þess að tölfræðilegar líkur benda til þess að allar tölvur sýkist af völdum veiru fyrr eða síðar séu lögregluyfirvöld ekki með veirur ofarlega á blaði. Hann telur að stofnanir eins og alríkislögreglan FBI hafi miklu meiri áhuga á Netglæpum þar sem peningar hverfa. Á það hefur verið bent að sökum þess að Netið er án landamæra sé dreifing á veirum barnaleikur einn auk þess sem ólík lög gilda um slík forrit og dreifingu þeirra frá einu landi til annars, sem m.a. getur leitt til vandkvæða við handtöku og málsmeðferð höfunda veiranna. Leitin af uppruna veira verður einnig sífellt flóknari því höfundarnir nota gjarnan nanflausar Nettengdar tölvur á kaffihúsum eða almenningsbókasöfnum þar sem ekki er krafist skilríkja áður en sest er fyrir framan tölvuskjáinn. Þar geta veirusmiðirnir laumað inn disklingi og komið veirunni í umferð um heim allan án þess nokkur grunur falli á viðkomandi Netnotanda. Þá er heldur enginn rafrænn slóði til að fylgja sem rekja mætti til einstaklings. Þegar öllu er á botninn hvolft virðist baráttan við tölvuveirurnar býsna máttlaus því vopnin vantar. Af því leiðir að ekkert er í sjónmáli sem gefur okkur fyrirheit um veirulausa Netheima - því það er alltaf einhver nógu vitlaus til þess að láta undan forvitninni og opna viðhengi með slíkum skratta. Og þá er fjandinn laus! Tækni Viðskipti Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Leigan fyrir 100 fermetra hús í Grindavík 62.500 á mánuði Innlent Manni bjargað úr sjónum í nótt eftir að bátur hans sökk Innlent Ágreiningur innan stjórnarinnar brýst upp á yfirborðið Erlent Meinleysisgrey sem séu lífríkinu afar mikilvæg Innlent Vilja sinna Íslendingum á Spáni betur Innlent Slapp við meiðsli á höfði og hrygg Innlent Forsetavaktin 2024: Hver verður sjöundi forseti lýðveldisins? Innlent Fico ekki talinn í lífshættu Erlent Um 800 börn bíða eftir leikskólaplássi í Reykjavík Innlent „Þetta reddast“ voru fyrstu orðin sem hann lærði Innlent Fleiri fréttir Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Meinleysisgrey sem séu lífríkinu afar mikilvæg Sjö smáskjálftar við Sýlingarfell og Veðurstofan fylgist vel með „Þetta reddast“ voru fyrstu orðin sem hann lærði Lögreglan þurfi nauðsynlega auknar rannsóknarheimildir Mikill meirihluti hlynntur dánaraðstoð Fátt ef nokkuð stöðvar eldislaxinn Segir seinlæti First Water stórfurðulegt Hæstiréttur segir tíma í flugvél vera vinnutíma Vill ræða brottvísun til Nígeríu í nefnd: „Skelfileg ásýnd á þessu máli“ Gjörbreytt bílpróf en segja hvergi slegið af kröfum Fagna framfaraskrefi ráðherra en vilja afnema tilvísanakerfið Þórdís í sendinefnd til Georgíu vegna umdeildra laga Maðurinn fannst heill á húfi Hundaskítur fyrir utan kosningamiðstöð Baldurs vekur spurningar Skilur uppnám skólasamfélagsins í Laugardal en horfa þurfi á staðreyndir Bréf Eggerts kom flatt upp á bæjarstjórnarmenn Flugvél Icelandair þurfti að snúa við Píratar hafa áhyggjur af skorti á eftirliti með lögreglu Úr 256 pakkningum á mánuði upp í sex þúsund Útlendingalög, tilvísanir og skólabygging í Laugardal Fólk setji símana á akstursstillingu til að koma í veg fyrir slys Hundrað milljarða fjárfesting í uppnámi Beðnir um að senda börnin sín með net vegna flugnafaraldurs „Nú verður þú bara að spyrja Bjarna“ Sjá meira
Þótt árið 2004 sé rétt hálfnað eru tölvuveirur þegar orðnar fleiri en allt árið 2003. Sasser kallaðist sá síðasti og gerði stormandi ólukku víða um heim, einn af mörgum ormum með mörgum afbrigðum, en slíkir ormar virðast einmitt vera í sérstakri tísku nú um stundir, ef þannig má að orði komast. Þetta má lesa á vef Tæknivals, taeknival.is.Í sumum tilvikum eru afbrigðin orðin svo mörg að stafrófið dugar ekki til. Þannig er nú kominn á kreik ormur sem kallast Bagle.ab! Forverar hans höfðu étið upp allt stafrófið og því þarf að byrja á nýjan leik. Allir vita að tölvuveirur valda ekki aðeins usla, þær valda líka beinu og óbeinu fjárhagstjóni. Fyrirtæki sem lendir í því að tölvukerfið hrynur vegna veiru verður fyrir miklum fjárhagsskaða en jafnvel þótt veirur gangi ekki að tölvukerfum í rúst skaprauna þær starfsmönnum og draga úr framleiðni hjá stofnunum og einkafyrirtækjum. Til marks um tjónið af völdum Sassers má nefna að það er metið á 500 milljónir dala á heimsvísu. Mikil upphæð en þó smá þegar horft er til tjónsins sem MyDoom hefur valdið; sérfræðingur hjá veiruvarnarfyrirtæki telur að í árslok verði sá skaði metinn á 4 milljarða dala. Fyrsta afbrigðið af Sasser var uppgötvað í byrjun maí. Á fáeinum dögum var fimm nýjum afbrigðum sleppt lausum. Jafnvel eftir að þýskir táningurinn sem játað hefur ormasmíðina var handsamaður skaut nýtt afbrigði upp kollinum. F-afbrigðið. Og það er ekkert lát á ormum - þriðjudaginn 11. maí var enn á ný uppgötvaður nýr fjári. Wallon kallast hann og beinir spjótum sínum að notendum Windows Media Player. Á hverju ári eru búnar til um 75 þúsund mismunandi tölvuveirur. Aðeins lítið brot af þessum fjölda reynist valda einhverjum skaða, eða um 1000 veirur árlega. Baráttan gegn Sasser og hans líkum er að mati eins af stjórnendum veiruvarnarfyrirtækisins Trend Micro þrungin alls kyns siðferðilegum álitamálum. Hann spurði einfaldlega í ljósi ofangreindra staðreynda: Er það þá glæpur að forrita veiru? Sjálfur svarar hann spurningunni á þann veg að líkast til sé ekkert ólöglegt við smíðina eina svo fremi veiran sé ekki send í dreifingu, enda sé veiran aðeins tölvukóði. Að skrifa slíkan tölvukóða geti jafnvel verið varið af stjórnarskránni, undir fyrstu málsgreininni um tjáningarfrelsið! Ýmsir hafa vakið athygli á því að lögregluyfirvöld sýna einmitt tölvuveirum lítinn áhuga - nema auðvitað þeim allra stærstu eins og Sasser. Almennt má hins vegar segja að veiruhöfundar gangi lausir án þess að vera hundeltir af löggunni. Þeir sem bera ábyrgð á rannsókn slíkra mála telja nefnilega að sökum þess að veirur eru svo almennar og meðaltalstjónið hjá hverjum tölvunotanda svo lítið að önnur glæpastarfsemi sem tengist Netheimum eigi að hafa forgang. Rannsóknir á tölvuglæpum eins og fjársvikum og fjárdrætti eru skör hærra settar. Stjórnandinnn hjá Trend Micro telur að vegna þess að tölfræðilegar líkur benda til þess að allar tölvur sýkist af völdum veiru fyrr eða síðar séu lögregluyfirvöld ekki með veirur ofarlega á blaði. Hann telur að stofnanir eins og alríkislögreglan FBI hafi miklu meiri áhuga á Netglæpum þar sem peningar hverfa. Á það hefur verið bent að sökum þess að Netið er án landamæra sé dreifing á veirum barnaleikur einn auk þess sem ólík lög gilda um slík forrit og dreifingu þeirra frá einu landi til annars, sem m.a. getur leitt til vandkvæða við handtöku og málsmeðferð höfunda veiranna. Leitin af uppruna veira verður einnig sífellt flóknari því höfundarnir nota gjarnan nanflausar Nettengdar tölvur á kaffihúsum eða almenningsbókasöfnum þar sem ekki er krafist skilríkja áður en sest er fyrir framan tölvuskjáinn. Þar geta veirusmiðirnir laumað inn disklingi og komið veirunni í umferð um heim allan án þess nokkur grunur falli á viðkomandi Netnotanda. Þá er heldur enginn rafrænn slóði til að fylgja sem rekja mætti til einstaklings. Þegar öllu er á botninn hvolft virðist baráttan við tölvuveirurnar býsna máttlaus því vopnin vantar. Af því leiðir að ekkert er í sjónmáli sem gefur okkur fyrirheit um veirulausa Netheima - því það er alltaf einhver nógu vitlaus til þess að láta undan forvitninni og opna viðhengi með slíkum skratta. Og þá er fjandinn laus!
Tækni Viðskipti Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Leigan fyrir 100 fermetra hús í Grindavík 62.500 á mánuði Innlent Manni bjargað úr sjónum í nótt eftir að bátur hans sökk Innlent Ágreiningur innan stjórnarinnar brýst upp á yfirborðið Erlent Meinleysisgrey sem séu lífríkinu afar mikilvæg Innlent Vilja sinna Íslendingum á Spáni betur Innlent Slapp við meiðsli á höfði og hrygg Innlent Forsetavaktin 2024: Hver verður sjöundi forseti lýðveldisins? Innlent Fico ekki talinn í lífshættu Erlent Um 800 börn bíða eftir leikskólaplássi í Reykjavík Innlent „Þetta reddast“ voru fyrstu orðin sem hann lærði Innlent Fleiri fréttir Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Meinleysisgrey sem séu lífríkinu afar mikilvæg Sjö smáskjálftar við Sýlingarfell og Veðurstofan fylgist vel með „Þetta reddast“ voru fyrstu orðin sem hann lærði Lögreglan þurfi nauðsynlega auknar rannsóknarheimildir Mikill meirihluti hlynntur dánaraðstoð Fátt ef nokkuð stöðvar eldislaxinn Segir seinlæti First Water stórfurðulegt Hæstiréttur segir tíma í flugvél vera vinnutíma Vill ræða brottvísun til Nígeríu í nefnd: „Skelfileg ásýnd á þessu máli“ Gjörbreytt bílpróf en segja hvergi slegið af kröfum Fagna framfaraskrefi ráðherra en vilja afnema tilvísanakerfið Þórdís í sendinefnd til Georgíu vegna umdeildra laga Maðurinn fannst heill á húfi Hundaskítur fyrir utan kosningamiðstöð Baldurs vekur spurningar Skilur uppnám skólasamfélagsins í Laugardal en horfa þurfi á staðreyndir Bréf Eggerts kom flatt upp á bæjarstjórnarmenn Flugvél Icelandair þurfti að snúa við Píratar hafa áhyggjur af skorti á eftirliti með lögreglu Úr 256 pakkningum á mánuði upp í sex þúsund Útlendingalög, tilvísanir og skólabygging í Laugardal Fólk setji símana á akstursstillingu til að koma í veg fyrir slys Hundrað milljarða fjárfesting í uppnámi Beðnir um að senda börnin sín með net vegna flugnafaraldurs „Nú verður þú bara að spyrja Bjarna“ Sjá meira