Vill ekki draga meira saman

Jón Kristjánsson heilbrigðisráðherra vill ekki draga starfsemi Landspítalans meira saman en orðið er. Heilbrigðisráðherra og fjármálaráðherra eiga í viðræðum vegna framlaga til spítalans á fjárlögum. Framkvæmdastjórn Landspítalans hefur greint frá hugmyndum sínum um sparnað og tekjuöflun fyrir spítalans vegna fyrirmæla frá ráðuneytinu um að draga þurfi saman starfsemina sem næmi einum milljarði króna. Meðal annars voru settar fram hugmyndir um gjaldtöku af öllum sjúklingum. Jón Kristjánsson heilbrigðisráðherra hafði beðið um frest til 9. júní að tjá sig um hugmyndir stjórnendanna en hann á nú í viðræðum við fjármálaráðherra vegna fjárlaga fyrir næsta ár. Hann hefur nú beðið um frekari frest en skýrði formanni stjórnarnefndar þó frá því að persónulega vildi hann ekki draga frekar saman í rekstri spítalans enda gengi rekstur hans vel. Pálmi R. Pálmason, formaður stjórnarnefndar Landspítalans, segir að óvissan sé slæm en það sé ástæða til að fagna viljayfirlýsinga ráðherrans. Hann ráði þessu hins vegar ekki einn og því sé of snemmt að slá einhverju föstu.