Íslendingar erlendis

Fréttamynd

Aldrei upp­lifað annan eins hita í Lundúnum

Íslendingur sem búsettur er í Lundúnum segist aldrei hafa upplifað annan eins hita í borginni. Banvæn hitabylgja ríður yfir Evrópu og eru líkur á að nýtt hitamet fyrir júní verði sett á Englandi.

Innlent
Fréttamynd

Kjarnorkuverkfræði-draumurinn rætist í París

„Ég hef lengi haft þann draum að fara í meistaranám í kjarnorkuverkfræði og Frakkland er einn besti staðurinn til að læra það“, segir hin 22 ára gamla Andrea Denisdóttir sem er nýútskrifuð með B.Sc. gráðu í orkuverkfræði og er á leið í mikið ævintýri. Andrea hefur verið með annan fótinn í París þar sem kærasti hennar Styrkár Davíðsson er búsettur þar og hún hefur nú ákveðið að láta drauminn rætast og flytja alveg út.

Lífið
Fréttamynd

„Finnst ég komin heim þegar ég er í Fær­eyjum“

Halla Tómasdóttir, forseti Íslands, og eiginmaður hennar, Björn Skúlason, komu í dag til Færeyja í þriggja daga opinbera heimsókn í boði lögmanns Færeyja og eiginkonu hans. Markmið heimsóknarinnar er að styrkja náin tengsl Íslands og Færeyja og vinna að frekara samstarfi, meðal annars á sviði sjávarútvegs, orkumála, nýsköpunar og menningarmála.

Innlent
Fréttamynd

Fjölskylduferð í skemmti­garð tók ó­vænta stefnu í hitabylgjunni

Mikil hitabylgja geisar í Evrópu og eru rauðar veðurviðvaranir í gildi á stórum svæðum vegna hita. Áhrif hitabylgjunnar hafa verið gríðarlega mikil í Frakklandi. Í suðausturhluta landsins fundust tvö börn, tveggja og fjögurra ára, látin í bifreið í dag. Hitastig á svæðinu mældist 39 gráður á hádegi.

Erlent
Fréttamynd

Jeremy Strong „reivaði“ við Retro Stefson

Stuðsveitin Retro Stefson kom, sá og sigraði á tónleikum í tívolíinu í Kaupmannahöfn á 17. júní. Fjöldi Íslendinga í Danmörku stigu trylltan dans ásamt fjölbreyttum hópi aðdáenda og Succession leikarinn Jeremy Strong lét sig ekki vanta. 

Tónlist
Fréttamynd

Gugga gestur í af­mælis­boði Kanye West

„Ég bara panikkaði og vissi ekki hvað ég ætti að segja við hann. Hann er algjör dúlla,“ segir áhrifavaldurinn og þáttastjórnandinn Guðrún Svava, betur þekkt sem Gugga í gúmmíbát, um rapparann Kanye West en hún var gestur í afmælisveislu hans í Hollandi á dögunum. Blaðamaður ræddi við hana um þetta ógleymanlega kvöld.

Lífið
Fréttamynd

Lauf­ey Lín er mætt til Springfield

Laufey Lín, íslensku tónlistarstórstjörnunni, hefur á síðastliðnum mánuðum brugðið fyrir í tölvuleiknum Fortnite, á rauða dregli tískuhátíðarinnar Met Gala og í leiknum God of War. Þá var hún einnig valin söngkona ársins og var sigursælust á íslensku tónlistarverðlaununum en nú hefur hún tekið sig til og birst í nýjasta þætti The Simpsons.

Bíó og sjónvarp
Fréttamynd

„Ég verð bara að gera það, hvort sem mér líkar betur eða verr“

Í nýjasta þætti Ísland í dag náði Hödd Vilhjálmsdóttir tali af Önnu Kristjánsdóttur, sem er nýflutt aftur til Íslands eftir sjö ára dvöl á Tenerife. Anna, sem er nú 74 ára gömul, varð landsþekkt sem fyrsta íslenska trans konan er steig fram undir eigin nafni. Síðan hefur hún verið áberandi í íslenskri umræðu og birtir reglulega Facebook-pistla þar sem hennar ríki húmor og beitti húmor vekja gjarnan mikla athygli.

Lífið
Fréttamynd

Rex Heuermann leiddur fyrir dómara í dag

Rex Heuermann, sem hefur hlotið viðurnefnið Gilgo Beach-morðinginn, verður leiddur fyrir dómara í dag. Búist er við því að hljóti þrjá samfellda lífstíðardóma. Ása Ellerup, fyrrverandi eiginkona Heuermann, verður ekki viðstödd dómsuppkvaðninguna, segir lögmaður hennar. 

Erlent
Fréttamynd

Svaf til fóta eftir fyrstu sam­bands­slitin

„Lífið er svo magnað fyrirbæri,“ segir jákvæði orkuboltinn, tónlistarmaðurinn og fyrrum fótboltakappinn Jón Jónsson. Jón hefur lengi verið í hópi frægustu söngvara landsins og vakti upphaflega athygli í aðalhlutverkum í Nemó-söngleikjunum þegar hann var nemi í Verslunarskóla Íslands. Jón hefur komið víða við í tónlistarbransanum og skrifaði meðal annars undir plötusamning við stórt útgáfufélag í Bandaríkjunum árið 2012.

Lífið
Fréttamynd

„Okkur var nánast sópað út af dans­gólfinu“

„Dagurinn var eiginlega nákvæmlega eins og við höfðum vonast til,“ segir fótboltastjarnan og matvæla- og næringarfræðingurinn Elísa Viðarsdóttir. Hún og hennar heittelskaði Rasmus Steenberg Christiansen giftu sig í Danmörku á dögunum umkringd ástvinum en Elísa ræddi við blaðamann um stóra daginn. 

Lífið
Fréttamynd

Þórður leik­stýrir kvik­myndaút­gáfu Dead by Daylight

Leikstjórinn Þórður Pálsson hefur verið fenginn til liðs við teymi sem vinnur nú að kvikmynd sem byggð er á hrollvekju- og spennuleiknum Dead by Daylight. Hann vakti víða athygli fyrir hrollvekjuna „Hin fordæmdu“ (á ensku The Damned) sem var frumsýnd í janúar 2025. Hann hefur einnig skapað og leikstýrt fyrstu íslensku Netflix Original þáttaröðinni „Brot“ (á ensku The Valhalla Murders) sem var frumsýnd á streymisveitunni árið 2020.

Bíó og sjónvarp
Fréttamynd

Munaði minnstu að hún væri sjálf komin út í þegar á­rásin varð: „Það verður bara allt í blóði í sjónum“

Kona var á sundi skammt frá landi á einni vinsælustu strönd Sydney í Ástralíu þegar gríðarstór hákarl réðst á hana en hún er nú í lífshættu. Íslendingur sem var á ströndinni þegar atvikið átti sér stað segist enn þá vera að meðtaka það, enda „eins og að vera stödd í einhverri kvikmynd“. Hún segir mikla umræðu hafa skapast meðal íbúa svæðisins en ótrúlegt þyki að hákarlinn hafi komist svona nálægt landi án þess að til hans sæist.

Erlent
Fréttamynd

Út­lendingarnir sem við Ís­lendingar erum sjálf

Það er athyglisvert að hlusta á umræðuna um útlendinga á Íslandi. Hver á að fá að koma hingað, hver á að fá að vera hér, og hvað eigi eiginlega að „gera við þetta fólk“, eins og það sé ein heild, einn hópur, eitt vandamál.

Skoðun
Fréttamynd

Óboðni sturtugesturinn sex­tán sentí­metra kóngu­ló

„Ég var komin með smá nóg af Íslandi og nýtt upphaf og ný ævintýri voru farin að kalla á mig. Ég hef alltaf elskað að ferðast og hugsaði: Af hverju ekki að flytja til lands sem er lengst í burtu og algjör andstæða við Ísland?“ segir hin tuttugu ára gamla Hrafney Reynaga sem er nú búsett í Sydney en hún flutti hinum megin á hnöttinn fyrir átta mánuðum síðan. Blaðamaður ræddi við hana um lífið úti.

Lífið
Fréttamynd

Hefur þegar fengið starfstilboð

Áslaug Arna Sigurbjörnsdóttir segir að það að ganga í gegnum erfiðleika hafi mótað hana mest. Áslaug gengur stolt frá störfum sínum á þingi en segist munu sakna þess að takast á um framtíð landsins. Starfstilboð eru þegar farin að berast Áslaugu sem er nýkomin heim úr meistaranámi í Bandaríkjunum.

Lífið
Fréttamynd

Risa af­rek Gunn­laugs og saman­burður við þá bestu áhuga­verður

Gunn­laugur Árni Sveins­son tryggði sér í fyrradag, fyrstur Ís­lendinga, sæti á U.S. Open risamótinu í golfi í karla­flokki eftir bráða­bana á úrtökumóti í Ohio í Bandaríkjunum. Risastór tíðindi sem koma þó ekki einum helsta golfsér­fræðingi landsins á óvart. Þetta sé ekki endastöð hjá Gunn­laugi, bara byrjunin.

Golf
Fréttamynd

Sósíal­isti fékk boðs­ferð til Kína

Sæþór Benjamín Randalsson, formaður framkvæmdastjórnar Sósíalistaflokks Íslands, hefur fengið boð í átta daga ferð til Kína. Sæþór þakkar djúpan áhuga sinn á Kína því að hann hafi verið valinn sem fulltrúi Íslands á ráðstefnu fyrir unga evrópska leiðtoga. Sæþór hlakkar til að upplifa það öryggi sem ríkir í Kína og ferðast með háhraðlest.

Innlent
Fréttamynd

Séra Guðni Már kveður Ís­land

Séra Guðni Már Harðarson hefur verið ráðinn sendiráðsprestur í Danmörku og prestur við íslenska söfnuðinn þar í landi. Hann hefur verið áberandi innan kirkjunnar og jarðsöng til að mynda tónlistarmanninn Björgvin Halldórsson og Bryndísi Klöru Birgisdóttur sem lést af sárum sínum eftir hnífstunguárás á Menningarnótt árið 2024.

Innlent
Fréttamynd

Blendnar til­finningar að fara á vinnu­markað á ný

Guðmundur Felix Grétarsson, sem missti báða handleggi árið 1998 í vinnuslysi og fékk ágrædda handleggi árið 2021, reynir nú að koma sér aftur á vinnumarkað og segir það ekki hafa verið mögulegt án aðgerðarinnar.  Guðmundur ræddi stöðuna á handleggjunum og lífinu frá Strassborg, þar sem hann er búsettur, í viðtali í Bítinu á Bylgjunni í morgun.

Lífið
Fréttamynd

Frá­bær árangur Teits í al­þjóð­legri keppni

Teitur Mar M. Steinunnarson tók þátt í alþjóðlegri stærðfræðikeppni í vor og fékk á dögunum þær fréttir að hann hefði landað fyrsta sætinu í sínum skóla, öðru sætinu í Galisíuhéraði og tíunda sæti á öllum Spáni í sínum aldursflokki. Teitur, sem er þrettán ára, flutti þriggja ára gamall til Spánar ásamt fjölskyldu sinni og talar í dag spænsku, galísku, ensku og íslensku. Þá er hann stoltur af Íslandstengingu sinni og nýtir hvert tækifæri til að minnast á Ísland í skólaverkefnum.

Innlent
Fréttamynd

Fann ástina á Tinder og endaði í Texas

Þegar Eydís Helga Gunnarsdóttir rakst á bandarískan hermann sem hafði „lækað“ hana á Tinder gerði hún ekki ráð fyrir miklu, í mesta lagi einum aukafylgjanda á Instagram. Raunin varð þó önnur. Á þessum tíma var hún einhleyp stelpa í Mosfellsbæ sem sinnti tveimur vinnum og var í krefjandi háskólanámi. Í dag, fjórum árum seinna, er hún orðin gift húsmóðir í Texas. Eitt „læk“, sem hún næstum því hunsaði, átti sem sagt eftir að breyta öllu.

Lífið
Fréttamynd

„Erum við að fara að deyja?“

Íslensk fjölskylda var að kaupa í matinn í sólstrandarferðalagi sínu í Constanța á Svartahafsströnd Rúmeníu þegar stærðarinnar sprenging reið yfir. Það reyndist vera sjávardróni frá vígstöðvunum skammt undan.

Innlent

Mest lesið