Róbert Wessman opnar einkasjúkrahús

Félag í eigu Róbert Wessman opnar einkasjúkrahús á gamla hersjúkrahúsinu að Ásbrú á næsta ári, en endurbætur á húsinu hefjast í mars. Sjúklingarnir verða sóttir til útlanda í liðskipta- og offituaðgerðir. Allt að 300 störf munu skapast í Reykjanesbæ, segir bæjarstjóri.

Stjórnvöld hagræði meira í rekstri ríkissjóðs

Tómas Már Sigurðsson formaður Viðskiptaráðs segir að það sé ljóst að stjórnvöld ættu að leggja mun ríkari áherslu á hagræðingu í rekstri ríkissjóðs. Viðskiptaráð hafi ítrekað bent á hversu illa hefur tekist að hemja útþenslu hins opinbera á undanförnum árum.

Breskt verðbólguskot hefur ekki áhrif á Icesave skuldbindingar

Aukin verðbólga á Bretlandi nú hefur ekki áhrif á Icesave-skuldbindingar Íslands. Þetta segir Þórarinn G. Pétursson, aðalhagfræðingur Seðabanka Íslands.

Ísland hefur aldrei verið samkeppnishæfara

„Ísland hefur aldrei verið eins samkeppnishæft kostnaðarlega og það er í dag, segir Þórður Hilmarsson, forstjóri Fjárfestingarstofu Íslands.

Gamma hækkaði um 0,05%

Skuldabréfavísitalan GAMMA: GBI hækkaði um 0,05% í dag í 11,1 milljarða viðskiptum.

Smáralind sett í opið söluferli fyrripart ársins

Reginn dótturfélag Nýja Landsbankans (NBI) hefur ákveðið að setja eignarhaldsfélagið Smáralind ehf. í opið söluferli á fyrripart ársins.

Nauðungarsölum fasteigna fjölgaði um 25% milli ára í borginni

Árið 2009 voru 207 fasteignir seldar nauðungarsölu hjá sýslumanninum í Reykjavík. Er þetta ríflega 25% fjölgun frá árinu á undan. Flesta nauðungarsölur voru í september eða 38 talsins en fæstar í desember eða 2 talsins.

Dótturfélag Samherja kaupir rækjutogara í Færeyjum

Onward Fishing Company, dótturfélag Samherja í Bretlandi, hefur fest kaup á rækjutogaranum Fríðborg frá Færeyjum. Skipið er systurskip Polonus, sem er í eigu dótturfélags Samherja í Póllandi. Skipið er ísstyrkt og sérútbúið til rækjuveiða.

Fjárfestingastofa Íslands veit ekki af kreppunni

Ef trúa skal heimasíðu Fjárfestingarstofu Íslands, www.invest.is, þar sem ætlunin er að laða erlenda fjárfesta til landsins virðist sem kreppan hafi aldrei skollið á Íslandi. Þar er talað um, á einum sjö tungumálum, að viðskiptaumhverfi landsins sé á hraðri hreyfingu, einbeitt og vinalegt fyrirtækjum.

Þokkaleg sala á mjólkurafurðum í janúar

Þokkaleg sala var á mjólkurafurðum í janúar sl., lítils háttar aukning var í sölu á ostum og góð sala á dufti, talsverður samdráttur í jógúrt og rjóma en aðrar afurðir í jafnvægi.

Segir lántöku fyrir arði eðlilega

Stefán Már Stefánsson, lagaprófessor og sérfræðingur í félagarétti við Háskóla Íslands, segir að lántaka til að greiða út arð til hluthafa sé í ákveðnum tilfellum eðlileg. Hann segist hins vegar ekki vita um nein dæmi um slíkt hér á landi þótt slíkt sé vel þekkt erlendis.

Vonast til að bætt verði við loðnukvótann

Loðnu verður nú vart um allan sjó, eins og sjómenn orða það, eða allt frá Hornafirði og vestur í Faxaflóa. Skip eru að fá afla hér og þar og eru miklar vonir bundnar við að verulega verði bætt við kvótann.

Greining MP Banka spáir 6,8% verðbólgu

Greining MP Banka segir að útlit sé fyrir að verðlag hafi hækkað töluvert milli mánaða nú í febrúar. Líklegt er að vísitalan hækki um 0,7% milli mánaða sem þýðir að ársverðbólgan eykst aðeins, úr 6,6% í 6,8%.

Greining: Spáir 6,9% verðbólgu í febrúar

Greining Íslandsbanka spáir því að vísitala neysluverðs (VNV) muni hækka um 0,8% í febrúar eftir óvænta 0,3% lækkun í janúar. Gangi spáin eftir hækkar ársverðbólga úr 6,6% í 6,9%.

Tilkynning um fjárfestingu á Íslandi hækkaði hlutabréfin um 24%

Hlutabréf í kanadíska fyrirtækinu Timminco hækkuðu um 24 prósent eftir að tilkynnt var um áform þess um kísilmálmverksmiðju í Þorlákshöfn. Stefnt er að því að endanlegar ákvarðanir verði teknar fyrir 15. apríl, innan tveggja mánaða.

Fyrsta hækkun íbúðaverðs í borginni frá ágúst í fyrra

Íbúðaverð á höfuðborgarsvæðinu hækkaði um 0,4% í janúar frá fyrri mánuði. Þessi hækkun kemur í kjölfar mikilla lækkana undanfarna mánuði en íbúðaverð hefur ekki hækkað milli mánaða síðan í ágúst síðastliðnum.

Skeljungi og Atlantsolíu veitt undanþága til samstarfs

Samkeppniseftirlitið hefur veitt Atlantsolíu ehf. og Skeljungi hf. undanþágu til samstarfs um flutning og dreifingu á olíu milli Reykjavíkur og Akureyrar. Er undanþágan tímabundin og gildir til 14. maí 2010.

Íslandsbanki tekur upp persónuleikapróf

Íslandsbanki og Capacent hafa undirritað samkomulag um að Íslandsbanki verði sjálfstæður notkunaraðili á OPQ32 (Occupational Personality Questionnaire 32), sem er persónuleikapróf sniðið að ráðningum og þróun stjórnenda og sérfræðinga.

Átta fá tæpar 8 milljónir úr Hönnunarsjóði Auroru

Átta hönnuðir og arkitektar fá úthlutað 7.880.000 kr. úr Hönnunarsjóði Auroru í dag við hátíðlega athöfn í Listasafni Íslands kl. 16:30. Að þessu sinni bárust sjóðnum 62 umsóknir á sviði arkitektúrs, grafískrar hönnunar, fatahönnunar, vöruhönnunar og landslagsarkitektúrs.

Aflaverðmæti jókst um 15 milljarða milli ára

Aflaverðmæti íslenskra skipa nam rúmum 106 milljörðum króna á fyrstu ellefu mánuðum ársins 2009, samanborið við 91 milljarð yfir sama tímabil 2008. Aflaverðmæti hefur því aukist um 15 milljarða kr. eða 16,6% á milli ára. Aflaverðmæti í nóvember nam 10,4 milljörðum króna en var 11,3 milljarðar í nóvember 2008.

Aðalsteinn E. Jónasson hrl. gengur til liðs við LEX

Aðalsteinn E. Jónasson hefur gengið til liðs við LEX sem lögmaður og meðeigandi með fjármála- og félagarétt að sérsviði.

Félag að baki kísilmálmverksmiðju í miklum fjárhagserfiðleikum

Undirbúningur að byggingu kísilmálmverksmiðju við Þorlákshöfn virðist skammt á veg kominn, miðað við upplýsingar á vef kanadíska fyrirtækisins Timminco, eins aðila verkefnisins. Fram kemur í uppgjöri fyrirtækisins fyrir þriðja ársfjórðung 2009 að það eigi í miklum erfiðleikum og framtíð þess sé óviss.

Tóku lán fyrir arðgreiðslunni

Rúmlega fjögurra milljarða króna arðgreiðsla sem Pálmi Haraldsson greiddi sér útúr fjárfestingarfélaginu Fons vegna góðs hagnaðar rekstrarárið 2006 var fengin að láni hjá Landsbankanum.

Erlendar eignir Seðlabanka minnka um 10 milljarða

Erlendar eignir Seðlabanka Íslands námu 475 milljörðum kr. í lok janúar samanborið við 485 milljarða kr. í lok desember 2009. Þær minnkuðu því um 10 milljarða kr. milli mánaða.

Viðræður við kröfuhafa Eik hf., tapaði 1,2 milljarði í fyrra

Á næstu dögum mun Eik fasteignafélag hf. hefja viðræður við óveðtryggða kröfuhafa félagsins, kynna fyrir þeim stöðu þess og leggja fram tillögur til úrlausnar. Áætlað er að tap félagsins á síðasta ári hafi numið 1,2 milljörðum kr. eftir skatta.

Tæplega 11 milljarða velta með skuldabréf

Skuldabréfavísitalan GAMMA: GBI hækkaði um 0,1% í dag í 10,8 milljarða viðskiptum. GAMMAi: Verðtryggt lækkaði um 0,1% í 3,5 milljarða viðskiptum og GAMMAxi: Óverðtryggt hækkaði um 0,4% í 7,3 milljarða viðskiptum.

Nífalt fleiri ökutæki nýskráð 2005 en á þessu ári

Sá mikli samdráttur sem verið hefur í nýskráningu ökutækja heldur áfram það sem af er árinu 2010 samkvæmt tölum Umferðarstofu. Gríðarlegur munur, eða nífaldur, er á fjölda nýskráðra ökutækja í byrjun þessa árs borið saman við sama tímabil árið 2005 þegar fjöldi nýskráninga náði hámarki.

Ný skýrsla AGS vegvísir fyrir breytta stefnu Seðlabankans

Ný skýrsla frá Alþjóðagjaldeyrissjóðnum (AGS) um fyrirkomulag hagstjórnar kann að vísa veginn hvaða hætti peningamálastefna Seðlabanka Íslands verður endurbætt á næstu misserum. Í skýrslunni reifar aðalhagfræðingur AGS, Olivier Blanchard, ásamt fleiri háttsettum AGS-mönnum þá ágalla sem kreppa undanfarinna missera hafi leitt í ljós á hagstjórn, sér í lagi þeirri stefnu að styðjast við einfalt verðbólgumarkmið við stjórn peningamála.

TULIP í Danmörku velur Plastprent sem birgja

Elsta vörumerki Danmerkur og eitt af stærri vörumerkjum í Evrópu á neytenda- og veitingamarkaði, TULIP, hefur valið Plastprent sem birgja. Greint er frá þessu á vefsíðu Samtaka iðnaðarins.

Tæting og förgun tóbaks frá Póllandi stöðvuð

Tæting og förgun tóbaks frá Póllandi hefur verið stöðvuð að beiðni Umhverfisstofnunar. Umhverfisstofnun mun hafa samband við yfirvöld í Póllandi vegna málsins og í framhaldinu taka frekari ákvarðanir í málinu, þ.m.t. um mögulega endursendingu.

Norræn frumkvöðlakeppni hefst á Íslandi í mars

Sameiginleg frumkvöðlakeppni Norðurlandanna, Nordic Cleantech Open, verður formlega sett á Íslandi í lok mars. Undirbúningur og umsjón keppninnar er í höndum Venture Cup í Danmörku, Cleantech Scandinavia í Svíþjóð og Innovit á Íslandi.

Gjaldeyrisviðskipti að mestu framhjá millibankamarkaði

Krónan er í gíslingu gjaldeyrishaftanna og getur sig lítið hreyft. Gjaldeyrisviðskipti fara að mestu fram hjá millibankamarkaðinum og því er verðmyndun ófullkomnari en ella.

Eignir tryggingarfélaga jukust í desember

Heildareignir tryggingarfélaganna námu 136,5 milljarða kr. í lok desember og hækkuðu um 0,7 milljarða kr. milli mánaða.

Mesti brottflutningur fólks frá landinu í sögunni

Árið 2009 fluttu 4.835 fleiri frá landinu en til þess. Aldrei áður hafa jafn margir flutt frá landinu á einu ári. Næstflestir brottfluttir umfram aðflutta voru árið 1887 en þá fluttu 2.229 fleiri frá landinu en til þess. Árið 1887 var mannfækkun vegna búferlaflutninga þó helmingi meiri ef miðað er við miðársmannfjölda, eða 3,1% á móti 1,5%.

Erlendir ferðamenn afla sér upplýsinga um Ísland á netinu

Samkvæmt skýrslu Ferðamálastofu um ferðaþjónustuna á Íslandi í fyrra kemur fram að langflestir erlendir ferðamenn afla sér upplýsinga um Ísland á netinu. Minnst fá þeir upplýsingar úr auglýsingum.

Seðlabankinn í mótsögn

Seðlabankinn á ekki að soga til sín allt lausafé á íslenskum markaði, heldur opna leið fyrir það inn í atvinnulífið og lækka stýrivexti. Það skapar skilyrði fyrir afnámi gjaldeyrishafta og endurreisn hagkerfisins.

Reynslubolti hjá VÍ

„Ég veit að áherslur Richard Vietor eiga erindi við okkur í núverandi stöðu, sérstaklega þá sem móta hér stefnu efnahagsmálum. Leiðarljós okkar í dag þurfa að vera hagsýni og raunsæi en hugmyndir Vietor byggja á hvoru tveggja,“ segir Finnur Oddsson, framkvæmdastjóri Viðskiptaráðs.

Máttu breyta myntlánunum

Þeir viðskiptavinir Arion banka og Íslandsbanka, sem hafa nýtt sér úrræði bankanna og skuldbreytt erlendum lánum í íslenskar krónur, missa ekki rétt sinn fari úrskurður Héraðsdóms Reykjavíkur á æðra dómsstig.

Færeyingar fá gult spjald hjá Moody‘s

Alþjóðlega matsfyrirtækið Moody‘s lýsti því yfir í gær að Føroya Banki hefði verið settur á athugunarlista og svo gæti farið að lánshæfiseinkunnir hans yrðu lækkaðar eftir kaup bankans á tólf útibúum Sparbanken á Fjóni og Jótlandi í Danmörku og á Grænlandi í síðustu viku. Kaupverðið nam 7,5 milljónum danskra króna, jafnvirði rúmra 177 milljóna íslenskra.

Fyrrum forstjóri fær aðstöðu í Fjármálaeftirlitinu

Rannsóknarnefnd Alþingis telur að fyrrverandi forstjóri Fjármálaeftirlitsins hafi sýnt alvarlega vanrækslu eða gert mistök í starfi.

Færðu húsin í félög rétt eftir hrun

Bakkabræður, þeir Ágúst og Lýður Guðmundssynir, færðu einbýlishús sín, íbúðir og sumarbústaði í sérstök einkahlutafélög rétt eftir bankahrunið. Með þessu móti geta hugsanlegir kröfuhafar þeirra ekki gengið að þessum eignum.

Verne borgar yfir helmingi minna orkuverð en vestan hafs

Verne Global mun borga 4 sent eða um 5 kr. á kílówattstundina fyrir rafmagnið sem keypt verður til að reka gagnaver félagsins á Keflavíkurflugvelli. Þetta kemur fram í viðtali við Tate Cantrell tæknistjóra Verne Global á vefsíðunni Techworld.

Gengi bréfa Marels hækkaði um 0,33 prósent

Gengi hlutabréfa Marels hækkaði um 0,33 prósent í Kauphöllinni í dag. Á sama tíma lækkaði gengi bréfa Össurar um 0,31 prósent. Bréf Össurar hækkuðu hins vegar um 2,85 prósent á markaði í Danmörku á sama tíma.

Verðtryggð bréf hækkuðu en óverðtryggð lækkuðu

Skuldabréfavísitalan GAMMA: GBI hækkaði um 0,2% í dag í 6,3 milljarða kr. viðskiptum. GAMMAi: Verðtryggt hækkaði um 0,3% í 2,8 milljarða kr. viðskiptum og GAMMAxi: Óverðtryggt lækkaði um 0,2% í 3,6 milljarða kr. viðskiptum.

Moody´s setur Færeyjabanka á athugunarlista

Matsfyrirtækið Moody´s hefur sett lánshæfiseinkunn Færeyjabanka á athugunarlista hjá sér með neikvæðum horfum. Ástæðan eru nýlega kaup Færeyjabanka á 12 útibúum Sparbank í Danmörku og á Grænlandi.