Fleiri fréttir

Velta skuldabréfa nam 9,6 milljörðum í dag

Heildarvelta skuldabréfa á markaði í dag nam 9,6 milljörðum króna. Þar af var velta með verðtryggð íbúðabréf 5,86 milljarða og velta með óverðtryggð ríkisbréf nam 3,74 milljörðum króna.

FME: Kaupskil mega eiga virkan eignarhlut í Arion banka

Fjármálaeftirlitið (FME) hefur veitt Kaupskilum ehf. leyfi til að fara með virkan eignarhlut í Arion banka hf. (Arion) fyrir hönd Kaupþings banka hf (Kaupþing). Leyfið er veitt í kjölfar samnings Kaupþings og íslenska fjármálaráðuneytisins, hinn 3. september síðastiðinn, þess efnis að Kaupþing gæti eignast 87% hlut í Arion að uppfylltum ákveðnum skilyrðum.

Lausafé Landsvirkunnar nemur 50 milljörðum

Lausafé Landsvirkjunar í árslok 2009 nam alls um 415 milljónum dollara eða um 50 milljörðum króna. Þá hafa breytingar á lánshæfiseinkunn ríkissjóðs í kjölfar þess að forseti Íslands synjaði Icesave lögunum staðfestingar ekki áhrif á lánshæfi og kjör Landsvirkjunar á núverandi lánum.

Skuldabréf Landsbankans halda áfram að hækka

Skuldabréf Landsbankans halda áfram að hækka í verði og eru nú komin í 6,5% af nafnverði bréfanna. Þetta kemur fram á vefsíðunni Keldan. Hafa bréfin því hækkað um yfir 50% síðan forseti Íslands tilkynnti um að Icesave málið færi í þjóðaratkvæðagreiðslu.

Millifærslur Björgólfsfeðga til Tortóla í rannsókn

Þrotabú Samsonar, félags Björgólfsfeðga, rannsakar nú hvort feðgarnir hafi lánað sjálfum sér tæpan milljarð króna úr Samson og inn í eignarhaldsfélög á Tortóla-eyju. Engir lánasamningar virðast hafa verið gerðir.

Greining: Reiknar með óbreyttum stýrivöxtum vegna Icesave

„Þó svo að forsendur fyrir frekari slökun peningalegs aðhalds finnist nú í þróun verðbólgu og gengi krónunnar frá síðasta vaxtaákvörðunarfundi peningastefnunefndar Seðlabankans þá teljum við að sú óvissa sem skapast hefur í kjölfar ákvörðunar forseta um að vísa Icesave-lögunum í þjóðaratkvæðagreiðslu valdi því að peningastefnunefnd bankans ákveði að halda vöxtum bankans óbreyttum nú."

Netið 2010: Stórsýning í Smáralind

Stórsýningin Netið 2010 verður haldin í Vetrargarðinum Smáralind dagana 5.-7. febrúar, en sýningunni er ætlað að fræða almenning um þær nýjungar og möguleika sem netið býður upp á.

GAMMA: Stærsta fréttin er nýr verðtryggður skuldabréfaflokkur

„Stærsta fréttin í tilkynningunni er staðfesting á því að gefinn verður út nýr verðtryggður skuldabréfaflokkur á öðrum ársfjórðungi og er gert ráð fyrir að selja allt að 50 milljarða kr. á árinu og frekari stækkun ráðgerð næsta ár," segir í grein frá verðbréfafyrirtækinu GAMMA.

Fitch Ratings: Ákvörðun forsetans setti fjármögnun í uppnám

Paul Rawkins forstjóri ríkjahóps Fitch Ratings í London segir að matsfyrirtækið hafi lækkað lánshæfiseinkunn Íslands í ruslflokk þar sem ákvörðun forseta Íslands hefði sett utanaðkomandi fjármögnun til landsins í uppnám að mati Fitch.

Yfir nótt í haldi og leysti frá skjóðunni

Jón Þorsteinn Jónsson, fyrrverandi stjórnarformaður Byrs sparisjóðs er orðinn lykilvitni bankahrunssaksóknara í Exeter málinu. Hann sýndi mikinn samstarfsvilja eftir að hafa gist fangaklefa í eina nótt meðan á yfirheyrslum stóð. Margeir Pétursson, stjórnarformaður MP banka, hefur einnig verið yfirheyrður í tengslum við rannsóknina.

Björgólfur bar vitni eftir fréttaflutning Stöðvar 2

Björgólfur Guðmundsson, fyrrverandi stjórnarformaður Landsbankans, bar vitni hjá rannsóknarnefnd Alþingis á síðasta föstudag, tveimur dögum eftir fréttaflutning Stöðvar 2 um að hann hefði ekki verið boðaður til yfirheyrslu af nefndinni.

Munar þúsundum á spám um fjölda gjaldþrota

Alls urðu 823 fyrirtæki gjaldþrota fyrstu ellefu mánuði síðasta árs en til samanburðar voru 673 fyrirtæki tekin til gjaldþrotaskipta árið 2008 sem jafngildir 23 prósent aukningu á milli ára samkvæmt Hagstofu Íslands. Athygli vekur, og Eyjan.is benti fyrst á, að Lánstraust (Creditinfo Íslands) spáðu því að alls færu 3500 fyrirtæki á hausinn árið 2009.

Stjórnarmenn Glitnis yfirheyrðir - ekki Landsbankans

Skýrsla rannsóknarnefndar Alþingis hefur ekki borist þeim sem hún fjallar um og eiga andmælarétt um það sem í henni stendur. Þetta sagði lögfræðingurinn Sigurður G. Guðjónsson í þættinum Sprengisandur á Bylgjunni í morgun.

500 punkta múrinn rofinn

Álag á skuldatryggingar ríkissjóðs hefur hækkað viðstöðulaust síðan á þriðjudag eftir að Ólafur Ragnar Grímsson, forseti Íslands, ákvað að setja Icesave-lögin í hendur þjóðarinnar en við það færði matsfyrirtækið Fitch lánshæfi ríkissjóðs í ruslflokk.

Á hlutabréf fyrir sex milljarða

Jón S. von Tetzchner, forstjóri og annar tveggja stofnenda norska hugbúnaðarfyrirtækisins Opera Software, steig í vikunni úr forstjórastólnum og hefur innanbúðarmaður af dönsku bergi brotinn tekið við stýrinu.

Hefur ekki sést í tuttugu ár

Afgangur af vöruskiptum nam sjö milljörðum króna í desember á nýliðnu ári, samkvæmt bráðabirgðatölum Hagstofunnar, sem birtar voru í gær. Gangi þetta eftir verður afgangur af vöruskiptum 72,9 milljarðar króna á öllu síðasta ári.

50% hækkun álverðs styrkir stöðu Landsvirkjunar

Fimmtíu prósenta hækkun álverðs á síðasta ári hefur stórbætt stöðu Landsvirkjunar. Búast má við að hagnaður félagsins á nýliðnu ári verði á annan tug milljarða króna og eiginfjárstaðan verði orðin betri en var áður en ráðist var í smíði Kárahnjúkavirkjunar.

Rólegur dagur í kauphöllinni

Úrvalsvísitalan OMX16 hækkaði um tæp 0,5% í viðskiptum dagsins á fremur rólegum degi í kauphöllinni. Stendur vísitalan í 819 stigum eftir daginn.

Bloomberg: Forsetinn húðskammar Fitch Ratings - myndband

Ólafur Ragnar Grímsson forseti Íslands hellti úr skálum reiði sinnar yfir matsfyrirtækið Fitch Ratings og húðskammaði þar fyrir að lækka lánshæfiseinkunn Íslands niður í ruslflokk. Þetta kom fram í viðtali við forsetann á sjónvarpsrás Bloomberg fréttaveitunnar.

Fyrsta aukningin á innflutningi bíla í 12 mánuði

Í desember voru nýskráðir 134 bílar hér á landi sem er aukning upp á 74% frá sama mánuði 2008. Þessi aukning er sú fyrsta sem mælist yfir tólf mánaða tímabil síðan við upphaf efnahagskreppunnar í febrúar 2008.

Jón Sigurðsson verður ekki í stjórn Íslandsbanka

Jón Sigurðsson, fyrrverandi stjórnarformaður FME og ráðherra, hyggst ekki taka sæti í stjórn Íslandsbanka. Jón sagði í samtali við fréttastofu í morgun að leitað hefði verið til sín með setu í stjórn bankans í huga.

Fundur Steingríms: Norðmenn fresta ekki láni sínu

Niðurstaða af fundi Steingríms J. Sigfússon fjármálaráðherra með fjármála- og utanríkisráðherrum Noregs er að Norðmenn munu ekki fresta lánveitingu sinni til Íslands þrátt fyrir óvissuna sem komin er upp í Icesave málinu.

Hópar sem berjast gegn fátækt styðja Íslendinga

Breskir og hollenskir hópar sem berjast gegn fátækt í vanþróuðu löndunum styðja málstað Íslendinga í Icesave deilunni. Vilja þeir að málið verði leyst með sáttagerð þar sem Sameinuðu þjóðirnar eða hinn varanlegi gerðardómur í Haag væri í hlutverki sáttasemjara.

Hægt að vinna 4.300 MW úr þekktum háhitasvæðum

Orkustofnun hefur lagt mat á vinnslugetu þekktra háhitasvæða til raforkuframleiðslu. Samkvæmt hinu nýja mati Orkustofnunar eru líkur á að hægt sé að vinna um 4300 MW af rafafli úr þekktum háhitasvæðum á Íslandi í 50 ár. Það samsvarar um það bil 35 TWh á ári. Til samanburðar nam raforkuvinnsla frá jarðvarmavirkjunum árið 2008 um 4 TWh af raforku.

Vöruskiptin hagstæð um 7 milljarða í desember

Samkvæmt bráðabirgðatölum fyrir desember 2009 var útflutningur 42,0 milljarðar króna og innflutningur tæpir 35,1 milljarður króna. Vöruskiptin í desember voru því hagstæð um tæpa 7,0 milljarða króna samkvæmt bráðabirgðatölum.

Skuldatryggingaálag ríkissjóðs orðið svipað og hjá Lettlandi

Skuldatryggingaálag ríkissjóðs er komið í rétt tæpa 500 punkta og er þar með á svipuðum slóðum og það mælist hjá ríkissjóði Lettlands. Álagið hefur ekki verið hærra síðan síðasta sumar en þá var það á niðurleið. Fór það neðst í um 340 punkta á seinnihluta síðasta árs.

Greining: Verðbólgan tæp 10% næstu þrjá mánuði

Greining Arion banka spáir því að ársverðbólgan muni nema tæpum 10% næstu þrjá mánuði. Gerir spáin ráð fyrir að vísitala neysluverðs muni hækka um 2,4% á tímabilinu. Í janúar gerir greiningin ráð fyrir að vísitalan hækki um 1,2% þrátt fyrir útsölur.

Seðlabankastjóri óttast frekara gengisfall krónunnar

Már Guðmundsson seðlabankastjóri óttast að höfnun Icesave fvrumvarpsins muni fella gengi krónunnar ennfrekar en orðið er. Már segir að til skamms tíma geti íslenska hagkerfið tekist á við afleiðingarnar af því að Icesave verði hafnað í þjóðaratkvæðagreiðslu.

Economist: Ísland er boðberi komandi áfalla

Hið virta breska tímarit The Economist fjallar um Icesave málið í einum af föstum dálkum ritsins sem ber heitið Buttonwood. Aðalfyrirsögn greinarinnar er: " Að kjósa burtu skuldirnar" og undirfyrirsögnin hljóðar eitthvað á þá leið að Ísland sé boðberi komandi áfalla.

Útsvarstekjur hækki um 16,6 prósent

Fjárhagsáætlun, sem bæjarstjórn Reykjanesbæjar samþykkti á þriðjudag, hefur það að forsendu að 2.700-2.900 ný störf skapist í sveitarfélaginu vegna ýmissa nýframkvæmda á þessu ári, svo sem álver og höfn í Helguvík, virkjanir og gagnaver á Keflavíkurflugvelli.

Bræðurnir eru að missa tökin

Líklegt er að bræðurnir Ágúst og Lýður Guðmundssynir, kenndir við Bakkavör, missi hlut sinn í Existu á næstu dögum en nauðasamningar félagsins verða lagðir fram í næsta mánuði. Þeir kveða á um yfirtöku kröfuhafa á Existu og brottrekstri forstjóra félagsins.

Skilanefnd líklega þegar brotið skilyrði FME

Samkvæmt lögum geta þrotabú ekki verið hluthafar í bönkum. Fjármálaeftirlitið (FME) samþykkti ekki skilanefnd Glitnis sem eiganda íslandsbanka og því var sú leið farin hjá skilanefndinni að stofna sérstakt dótturfélag, ISB Holding, til að halda utan um 95 prósent hlut skilanefndarinnar í bankanum.

ISB Holding má eiga virkan eignarhlut í Íslandsbanka

Fjármálaeftirlitið hefur veitt ISB Holding ehf. leyfi til að fara með virkan eignarhlut í Íslandsbanka fyrir hönd Glitnis banka hf. Leyfið er veitt í kjölfar samnings Glitnis og íslenska fjármálaráðuneytisins, hinn 13. september síðastiðinn, þess efnis að Glitnir gæti eignast 95% hlut í Íslandsbanka að uppfylltum ákveðnum skilyrðum.

Sjá næstu 50 fréttir

Mest lesið