Magma setur skilyrði um skuldamál HS Orku

Í samkomulagi því sem Magma og Orkuveitan (OR) hafa gert um kaupin á hlut OR í HS Orku er meðal annars kveðið á um ásættanlega niðurstöðu hvað varðar samninga við aðra aðila um skuldamál HS Orku.

Skuldabréfaveltan 16 milljarðar á dag í ágúst

Heildarviðskipti með skuldabréf í kauphöllinni námu tæpum 322 milljörðum í síðasta mánuði sem samsvarar 16,1 milljarða veltu á dag. Þetta er mesta dagsvelta það sem af er ári.

deCODE leitar kaupenda að lífsýnabanka sínum

deCODE leitar nú kaupenda að lífsýnabanka sínum og hefur félagið rætt við bæði vísinda- og viðskiptasjóði um málið.

Nýr sæstrengur til Evrópu í notkun í dag

Nýr sæstrengur, sem tengir saman Ísland og Evrópu, var tekin í notkun í dag þegar Vodafone opnaði fyrir umferð viðskiptavina sinna um strenginn. Um er að ræða sæstreng milli Íslands og Danmerkur, svokallaðan Danice-streng, sem nýlega var lagður milli landanna.

Segir lánshæfiseinkunnir ríkissjóðs ekki breytast í bráð

Enn ríkir mikil óvissa um þróun lánshæfismats ríkissjóðs á næstunni vegna þeirrar miklu óvissu sem hér er í efnahagsmálunum. Telur greining Íslandsbanka að lánshæfiseinkunnir ríkissjóðs komi ekki til með að taka breytingum á næstunni þrátt fyrir að þær séu á neikvæðum horfum í bókum matsfyrirtækjanna. Líklega munu matsfyrirtækin bíða og sjá hver framvinda mála verður næstu mánuði.

Skuldabréfaútgáfa til að fjármagna nýju bankanna

Seðlabankinn tilkynnti í gær um útgáfu á nýjum flokki ríkisskuldabréfa. Flokkurinn hefur þann tilgang að fjármagna eiginfjárframlag ríkissjóðs til hinna nýju viðskiptabanka sem reistir voru á grunni bankanna þriggja sem féllu í fyrrahaust.

Samorka hraunar yfir Sjónarrönd ehf.

Samorka, samtök orku- og veitufyrirtækja, gagnrýna harðlega áfangaskýrslu þá sem Sjónarrönd ehf. vann fyrir fjármálaráðuneytið um arðsemi íslenskra orkufyrirtækja. Segir m.a. í tilkynningu frá Samorku að nálgun Sjónarrandar hafi verið fráleit, rangar ályktanir dregnar og gjörólík fyrirtæki borin saman.

Birna svarar: Leiðrétting en ekki niðurfelling skulda

„Í raun ganga hugmyndir Íslandsbanka út á leiðréttingu á höfuðstól en ekki beina niðurfellingu. Aðferðafræðin gengur út á að skipta þessum lánum yfir í óverðtryggð lán í íslenskum krónum. Við gerum okkur grein fyrir að vextir á óverðtryggðum lánum verða líklegast hærri til að byrja með."

Nafni Eimskips verði breytt í A1988 hf.

Eftirfarandi tillaga verður sett fyrir næsta hluthafafund Eimskips: „Hluthafafundur Hf. Eimskipafélags Íslands haldinn 8. september samþykkir að breyta nafni félagsins í A1988 hf. Skal 1. gr. samþykkta félagsins breytast og verða svohljóðandi; "Félagið er hlutafélag og nafn þess er A1988 hf.

VBS tapaði 4,3 milljörðum á fyrri helming ársins

VBS fjárfestingarbanki hf. tapaði rúmlega 4,3 milljörðrum kr. á fyrstu sex mánuðum ársins. Samkvæmt árshlutareikningi tímabilsins 1. janúar til 30. júní 2009 nemur eigið fé 4,7 milljörðum króna og er eiginfjárhlutfall bankans 15,2%.

RARIK tapaði 164 milljónum á fyrri helming ársins

Samkvæmt rekstrarreikningi nam tap RARIK á fyrstu sex mánuðum ársins 164 milljónum króna. Rekstrarhagnaður varð fyrir afskriftir, fjármagnsliði og skatta upp á 1.166 milljónir króna eða 28,1% af veltu tímabilsins, samanborið við 782 milljónir eða 21,4% af veltu á sama tímabili árið áður. Hreint veltufé frá rekstri var 1.169 milljónir króna.

Hagnaður af rekstri Íslandssjóða á fyrri helming ársins

Hagnaður varð af rekstri Íslandssjóða eftir skatta fyrstu 6 mánuðina 2009 upp á 164 milljónir kr. samanborið við 284 milljónir kr. fyrstu sex mánuðina 2008.

Eik tapaði 334 milljónum á fyrri helming ársins

Eik fasteignafélag hf. tapaði tæpum 334 milljónum kr. á fyrri helming ársins. Til samanburðar má nefna að tap félagsins allt árið í fyrra nam 31,6 milljónum kr.

Gjaldeyrisforði SÍ rýrnaði um 120 milljarða á tíu mánuðum

Gjaldeyrisforði Seðlabankans hefur rýrnað um rúma hundrað milljarða króna á síðustu tíu mánuðum eða því sem nemur láni Alþjóðagjaldeyrissjóðsins til íslands. Bankinn notaði rúman hálfan milljarð króna í síðustu viku til að styrkja gengi krónunnar um 3 prósent en óvíst er að sú styrking haldi.

Opin Kerfi Group hf. hagnast um 20 milljónir króna

Hagnaður samstæðu Opinna Kerfa Group hf. nam 20 milljónum króna á fyrstu sex mánuðum ársins samanborið við 318 milljón króna hagnað á sama tímabili í fyrra. Eiginfjárhlutfall félagsins er 35,5% og arðsemi eigin fjár á ársgrundvelli er 3,1% sem er lægri en á fyrri hluta síðasta árs.

Úrvalsvísitalan lækkaði í dag

Úrvalsvísitalan lækkaði um 1,41% í dag. Viðskipti með hlutabréf námu rúmlega 68 milljónum króna. Mest viðskipti voru með bréf Össurar og lækkuðu bréf félagsins um 0,81%. Marel lækkaði um 1,19% en ekkert félag hækkaði í viðskiptum dagsins. Vísitalan stendur nú í 818,9 stigum.

CCP hf. hagnast um 6,2 milljónir dollara

Íslenski tölvuleikjaframleiðandinn CCP hf., skilaði hagnaði upp á rétt tæplega 6,2 milljónir dollara á fyrstu sex mánuðum ársins samanborið við 2,1 milljón dollara hagnað á sama tímabili á síðasta ári. Hagnaðurinn eykst því um 195% á milli ára. Hagnaðurinn á fyrstu sex mánuðum þessa árs jafngildir um 775 milljónum króna.

HS Orka skilaði 612 milljóna hagnaði fyrrihluta ársins

Heildarafkoman hjá HS Orku á fyrstu sex mánuðum ársins var jákvæð um 611,6 milljónir kr. Eiginfjárhlutfall hækkaði úr 16,3% í 18,3%.

Hagnaður hjá Sambandi sveitarfélaga á Suðurnesjum

Hagnaður af rekstri Sambands sveitarfélaga á Suðurnesjum nam 7,2 milljónum króna á fyrstu sex mánuðum ársins. Eigið fé Sambandsins í lok júní 2009 nam 70,4 milljónum króna.

Landic frestar ársreikningi og meðferð á tapi félagsins

Aðalfundur Landic Property hf. var haldinn í dag 31. ágúst 2009. Fundurinn samþykkti tillögu sem lögð var fram á fundinum um að fresta afgreiðslu ársreiknings fyrir síðastliðið reikningsár.

Hagnaður Landsvaka tæplega eitt hundrað milljónir

Stjórn Landsvaka hf., sem rekur verðbréfa-, fjárfestingar- og fagfjárfestasjóði Landsbankans, hefur staðfest árshlutauppgjör félagsins fyrir fyrstu 6 mánuði ársins 2009. Hagnaður af rekstri félagsins fyrstu sex mánuði ársins nam 96,9 milljónum króna samkvæmt rekstrarreikningi félagsins.

Hagnaður ÍLS nam 465 milljónum á fyrri helming ársins

Hagnaður var af rekstri Íbúðalánasjóðs (ÍLS) á fyrstu sex mánuðum ársins að fjárhæð 463 milljónum kr. skv. rekstrarreikningi. Eigið fé hans í lok júní nam 13,7 milljarða kr. samkvæmt efnahagsreikningi.

27 bankar í mál við íslenska ríkið

Alls hafa 27 alþjóðlegir bankar höfðað skaðabótamál á hendur Seðlabanka Íslands, Fjármálaeftirlitinu, fjármálaráðuneytinu og Sparisjóði Reykjavíkur og nágrennis (SPRON). Flestir bankanna eru þýskir alþjóðlegir bankar. Þarna má einnig finna franskan banka og svo Seðlabanka Egyptalands.

Verðmæti grásleppuhrogna og kavíars eykst um 113%

Á fyrri helmingi ársins nam útflutningsverðmæti saltaðra grásleppuhrogna og grásleppukavíars 923 milljónum króna. Það er hvorki meira né minna en 113% aukning frá sama tíma í fyrra.

Ríkið og sveitarfélög gera samning við Skyggni

Ríkiskaup hefur gert rammasamning við rekstrar- og tæknifélagið Skyggni sem felur í sér kaup á lausnum og þjónustu í upplýsingatækni fyrir ríkisfyrirtæki og sveitarfélög sem eru aðilar að rammasamningnum.

Tekjur af hótelherbergjum hækka um 23% í krónum talið

Tekjur fyrir framboðið herbergi á þriggja og fjögurra stjörnu hótelum í Reykjavík mældar í krónum eru 23,0% hærri í júlímánuði en á sama tíma í fyrra, þar af hafa tekjur fyrir fjögurra stjörnu gistingu hækkað um 30,0% á milli ára en tekjur fyrir þriggja stjörnu gistingu hafa hækkað um 12,5% á milli ára.

Seðlabankinn: Árangur hefur náðst á fjölmörgum sviðum

Peningastefnunefnd Seðlabankans telur að árangur hafi náðst á fjölmörgum sviðum við endurreisn efnahagslífsins á Íslandi. Þetta kemur fram í fundargerð peningastefnunefndar Seðlabanka Íslands.

Skuldabréf sparisjóða á athugunarlista í kauphöllinni

Kauphöllin hefur ákveðið að færa skuldabréf útgefin af Sparisjóði Bolungarvíkur, Sparisjóðinum í Keflavík og Byr á athugunarlista vegna óvissu um fjárhagslega stöðu útgefanda og mögulega ójafnræði meðal fjárfesta samanber ákvæði í reglum fyrir útgefendur fjármálagerninga í Kauphöllinni.

Hagnaður Eyris Invest nam 2 milljörðum fyrri helming ársins

Hagnaður að fjárhæð 11,5 milljónir evra, eða um 2 milljarðar kr., varð af rekstri Eyris Invest á fyrri hluta ársins 2009. Eigið fé nemur 195 milljónum evra í lok tímabilsins.

Einu eignir SPM eru réttindi í Nýja Kaupþingi

„Áður en bráðabirgðastjórn tók við hafði verið samið við Nýja Kaupþing banka hf. (NKB) um nánar tilgreindar eignir og rekstur SPM. Útibú SPM og NKB í Borgarnesi hafa verið sameinuð og SPM er ekki lengur með neinn rekstur á sínum vegum. Einu eignir SPM nú eru réttindi skv. framangreindum kaupsamningi við NKB.“

ICEQ tapaði 15 milljónum á fyrri helming ársins

Tap varð af rekstri ICEQ verðbréfa sjóðsins á fyrstu sex mánuðum ársins að fjárhæð 15 milljónum kr. samkvæmt rekstrarreikningi og er tapið fært til lækkunar á hlutdeildarskírteinum ICEQ verðbréfasjóðs.

Yfir 111 milljarða viðsnúningur á vöruskiptunum í ár

Í júlímánuði voru fluttar út vörur fyrir 41,7 milljarða króna og inn fyrir tæpa 34,9 milljarða króna. Vöruskiptin í júlí voru því hagstæð um 6,8 milljarða króna. Í júlí 2008 voru vöruskiptin óhagstæð um 33,3 milljarða króna á sama gengi.

Störfum hjá 365 miðlum hefur fækkað um 180 á þremur árum

Stór hluti þess húsnæðis sem starfsemi 365 miðla, sem rekur fréttavefinn Vísi, Fréttablaðið, Stöð 2 og Bylgjuna, fer fram í var auglýstur til leigu í helgarblaði Fréttablaðsins. Ari Edwald, forstjóri 365, segir ástæðuna vera þá að stöðugildum hjá fyrirtækinu hafi fækkað verulega á undanförnum þremur árum og að starfsemin rúmist fyrir í minna húsnæði en áður.

Yfirlýsing Sigurjóns þvert á fyrri yfirlýsingar frá Landsbankanum

Daginn sem neyðarlögin voru sett vegna yfirvofandi hruns íslensku bankanna fullyrti talsmaður Landsbankans að íslenska ríkið myndi verja innistæður á Icesave. Þetta er þvert á yfirlýsingar Sigurjóns Árnasonar, fyrrverandi bankastjóra Landsbankans, í kvöldfréttum Stöðvar 2 í gær.

Bakkavör hækkaði um 36,4%

Úrvalsvísitalan heldur áfram að hækka. Í dag hækkaði hún um 2,62% í mjög litlum viðskiptum eða fyrir rúmar 8 milljónir króna. Vísitalan stendur nú í 830,61 stigi. Bakkavör hækkaði um 36,4%, Færeyjabanki hækkaði um 8,65% en Össur lækkaði um 1,2%. Gengi annarra félaga hreyfðist ekki.

Viðskiptavinum auðveldað að greiða niður yfirdrátt

Íslandsbanki býður einstaklingum í viðskiptum við bankann að greiða niður yfirdráttarlán með mánaðarlegum greiðslum með hagstæðari kjörum á allt að tveimur árum.

Rætt við Sigurjón Þ. Árnason í fréttum Stöðvar 2

Rætt verður við Sigurjón Þ. Árnason fyrrum bankastjóra Landsbankans í fréttum Stöðvar 2 í kvöld. Sigurjón hefur hingað til lítt eða ekki viljað tjá sig um Icesaveábyrgðina og ýmislegt annað tengt hruni Landsbankans.

Afkoma SS batnar verulega á milli ára

Sláturfélag Suðurlands tapaði 45,8 milljónum kr. á fyrstu sex mánuðum ársins. Er þetta mun betri afkoma en á sama tímabili í fyrra þegar tapið nam tæpum 472 milljónum kr.

Segir Seðlabankann vondaufan um að krónan styrkist

Greining Íslandsbanka telur að Seðlabanki Íslands sé orðinn vondaufur um að krónan styrkist í náinni framtíð. Þetta kemur fram í Morgunkorni greiningarinnar þar sem fjallað er um fundargerð Peningastefnunefndar frá síðasta vaxtaákvörðunardegi en fundargerðin var birt í gær.

Nauðasamningur Eimskips samþykktur í héraðsdómi

Héraðsdómur Reykjavíkur staðfesti í dag nauðasamning milli Eimskips og kröfuhafa félagsins.

Líklegt að ríkið þurfi frekara lánsfé á árinu

Tölur um lánsfjárþörf ríkissjóðs á fyrstu sjö mánuðum ársins sem birtar voru í gær benda til þess að hugsanlega þurfi ríkissjóður að afla sér meira lánsfjár á árinu en áætlanir ríkisins gera nú ráð fyrir. Þetta kemur fram í Morgunkorni Íslandsbanka en greiningin reiknar með því að engin ákvörðun um frekari útgáfu verði tekin fyrr en á síðasta ársfjórðungi.

SÍ beitir auknum inngripum til að styrkja krónuna

Ekki er hægt að útiloka að tilkoma nýs manns til starfa í brú Seðlabankans (SÍ) eigi einhvern þátt í auknum umsvifum hans á gjaldeyrismarkaði nú.

Sigurjón Árnason fyrir Héraðsdóm Reykjavíkur

Sigurjón Þ. Árnason, fyrrverandi bankastjóri Landsbankans, mætir fyrir Héraðsdóm Reykjavíkur í dag en þar fer fram aðalmeðferð í máli Kjartans Briem, sem átti innistæðu í peningamarkaðssjóði Landsbankans, gegn gamla Landsbankanum og Landsvaka, sem var vörsluaðili sjóðanna.

SA skipar sex starfshópa um ESB

Samtök atvinnulífsins (SA) hafa ákveðið að skipa sex starfshópa til að fjalla um málefni atvinnulífsins vegna aðildarumsóknar Íslands að ESB. Þetta kemur fram á vefsíðu samtakanna.

Vísitala framleiðsluverðs hækkar um 12,2% milli ára

Frá júlí 2008 hefur vísitala framleiðsluverðs hækkað um 12,2% og verðvísitala sjávarafurða um 27,6%. Á sama tíma hefur verð á afurðum stóriðju lækkað um 15% en matvælaverð hefur hækkað um 13,6%. Hagstofan greinir frá þessu í dag.