Peningastefnunefnd var sammála um rök gegn vaxtalækkun

Nefndarmenn peningastefnunefndar Seðlabankans voru sammála um að veigamikil rök hnígi gegn lækkun stýrivaxta meðan gengi krónunnar væri jafnlágt og raun bar vitni á fundum nefndarinnar 11. og 12. ágúst. Þetta kemur fram í fundargerð fundanna sem birtist í dag á vef Seðlabankans.

Seðlabankinn frestar birtingu hagtalna

Seðlabanki Íslands frestar birtingu hagtalna fram til 3. september næstkomandi en Seðlabankinn hugðist birta uppgjör á þeim klukkan fjögur í dag.

Úrvalsvísitalan lækkar

Viðsnúningur varð á úrvalsvísitölunni í dag en hún lækkaði í fyrsta sinn um nokkurt skeið. Nam lækkun OMX16 vísitölunnar 0,7% og stendur hún í rúmum 809 stigum.

Ísland gefur innsýn í þá erfiðleika sem framundan eru í heiminum

Í aðdraganda alheimskreppunnar árið 2008 var Ísland kanarífuglinn í námunni, landið var leiðandi vísir þess vanmáttar sem margar þjóðir standa nú frammi fyrir. Nú þegar sum hagkerfi heimsins virðast vera að þokast í rétta átt bendir margt til þess að Ísland gefi aftur innsýn í þá erfiðleika sem framundan eru. Svona hefst grein sem Robert Wade skrifaði í Financial Times í gær.

Ákveðið að auglýsa lóðir undir íbúðarhúsnæði í Reykjavík

Meirihluti borgarstjórnar samþykkti á fundi borgarráðs í dag að auglýsa nokkurn fjölda lóða undir íbúðarhúsnæði. Alls óvíst er að eftirspurn sé eftir þessum lóðum að sögn Dags B. Eggertssonar, borgarfulltrúa Samfylkingarinnar. Hann segir eftirfarandi í tölvupósti sem hann sendi fréttastofu:

Ríkissjóður: 118 milljarða viðsnúningur til hins verra

Greiðsluuppgjör ríkissjóðs fyrir fyrstu sjö mánuði ársins 2009 liggur nú fyrir. Samkvæmt uppgjörinu er handbært fé frá rekstri neikvætt um 91 milljarða kr., sem er 118,1 milljarða kr. lakari útkoma en á sama tíma í fyrra. Tekjur reyndust 37,4 milljarða kr. minni en í fyrra meðan gjöldin jukust um 71,6 milljarða kr.

KEA skilar 110 milljóna hagnaði á fyrri helmingi ársins

Hagnaður KEA fyrir reiknaða skatta nam 110 milljónum króna á fyrri árshelmingi ársins. Hagnaður tímabilsins eftir reiknaða skatta nam 93 milljónum króna.

Líkur á talsverðri verðbólguhækkun í september

Vísitalan mun að öllum líkindum hækka nokkuð í september, enda á hluti útsöluáhrifa enn eftir að ganga til baka auk þess sem lækkun krónunnar undanfarnar vikur hefur býsna fljótt áhrif á verð þeirra neysluvara sem næmastar eru fyrir gengisbreytingum, svo sem matvöru og eldsneytis. Þetta kemur fram í morgunkorni Íslandsbanka.

Gjaldeyrisverðmæti upp á 300 milljónir flæða um Norðfjarðarhöfn

Á sólarhring frá því síðustu nótt og fram á næstu nótt munu gjaldeyrisverðmæti upp á um 300 milljónir kr. flæða í gegnum Norðarfjarðarhöfn. Þetta kemur fram í grein sem Gunnþór Ingvason framkvæmdastjóri Síldarvinnslunnar hf. skrifar á vefsíðu fyrirtækisins í dag.

Spá því að viðskiptahallinn verði sex sinnum minni en í fyrra

Halli verður á viðskiptum við útlönd í ár upp á 6,8% af landsframleiðslu samkvæmt nýjustu spá Seðlabankans. Þetta er um 95 milljarðar kr. en til samanburðar var ríflega 625 milljarða kr. halli á viðskiptum við útlönd í fyrra, eða 43% af landsframleiðslu sem var sögulegt met hér á landi.

Jón fær framvegis 1,5 milljónir í laun hjá Stoðum

Framkvæmdastjóri Stoða, Jón Sigurðsson, verður með 1,5 milljónir í laun hjá félaginu. Í Fréttablaðinu í dag er sagt frá því á forsíðu að Jón sé enn á ofurlaunum hjá félaginu þrátt fyrir að félagið hafi gengið í gegnum nauðasamninga.

Ónýt króna ein af ástæðum skráningu Össurar í Danmörku

Jón Sigurðsson forstjóri Össurar segir að ein af ástæðum þess að félagið hafi sótt um skráningu í kauphöllina í Kaupmannahöfn sé að íslenska krónan er ekki lengur gjaldgengur gjaldmiðill utan Íslands. Þetta kemur fram í spjalli Fréttastofunnar við Jón sem nú er staddur í Kaupmannahöfn.

Gengishrun og verðbólga ef SÍ getur ekki treyst á stjórnvöld

Stjórnvöld þurfa að aðstoða Seðlabankann með aðhaldi í ríkisfjármálum. Ef Seðlabankinn getur ekki treyst á stjórnvöld þegar mest á reynir er ljóst að framundan er botnlaust gengishrun og verðbólga. Þetta er meðal þess sem kemur fram í grein sem Jón Steinsson, lektor í hagfræði við Columbia háskóla í Bandaríkjunum, skrifar í grein í Morgunblaðinu í dag.

Bakkavör óskar eftir afskráningu úr kauphöllinni

Stjórn Bakkavör Group hf hefur í dag ákveðið að óska eftir afskráningu hlutabréfa félagsins í kauphöllinni. Skuldabréf félagsins verða áfram skráð á markaði. Eigendur 44% hlutafjár styðja þessa ákvörðun um afskráningu hlutabréfanna.

Rúmlega 10 milljarða viðsnúningur hjá Bakkavör

Hagnaður Bakkavarar á öðrum ársfjórðungi nam 5,6 milljörðum kr. samanborið við tap að fjárhæð 5 milljarða kr. á öðrum ársfjórðungi í fyrra. Um verulegan viðsnúning er að ræða sem nemur 10,5 milljörðum kr. að því er segir í tilkynningu um uppgjörið.

„Aalborg Portland vildu yfirtaka íslenska sementsmarkaðinn“

Sementsverksmiðjan á Akranesi segir að Aalborg Portland á suðurnesjum, sem selur innflutt sement á íslenskum markaði, hafi viljað yfirtaka íslenska sementsmarkaðinn og boðið sement undir kostnaðarverði í þeim tigangi að ná til sín stórum hluta markaðarins. Þetta kemur fram í fréttatilkynningu sem Sementsverksmiðjan á Akranesi sendi frá sér í gærkvöld og má í heild sinni sjá hér að neðan.

Ársverðbólgan mælist 10,9%

Síðastliðna tólf mánuði hefur vísitala neysluverðs hækkað um 10,9% en vísitala neysluverðs án húsnæðis um 16,1%. Undanfarna þrjá mánuði hefur vísitala neysluverðs hækkað um 2,1% sem jafngildir 8,6% verðbólgu á ári.

Eik Banki afskrifar SPRON-hlut, fær tiltal frá stjórnvöldum

Eik Banki hefur ákveðið að afskrifa 8,44% hlut sinn í SPRON en bankinn keypti hlutinn á sínum tíma fyrir um 40 milljónir danskra kr. eða um einn milljarð kr. Félagaskrá Færeyja, Skraseting, gagnrýnir stjórn bankans harðlega fyrir kaupin.

Tekjuafgangur LSS minnkar um helming

Afkoma Lánasjóðs sveitarfélaga (LSS) á fyrri hluta ársins 2009 var í samræmi við væntingar og er tekjuafgangur 586 milljónir kr. á móti 1.163 milljónir kr. fyrir sama tímabil fyrra árs.

Eignir ýmissa lánafyrirtækja hækkuðu um 12 milljarða í júí

Eignir ýmissa lánafyrirtækja námu 1.310 milljörðum kr. í lok júlí og hækkuðu um 12,4 milljarða kr. í mánuðinum.

Össur sækir um skráningu á NASDAQ OMX í Kaupmannahöfn

Stjórn Össurar hf. ákvað í dag að óska eftir að hlutabréf félagsins yrðu skráð í kauphöll NASDAQ OMX í Kaupmannahöfn. Hlutabréf Össurar munu áfram vera skráð í kauphöll NASDAQ OMX á Íslandi, eins þau hafa verið síðan 1999.

„Sementsverksmiðjan fer ekki fram á neina ríkisstyrki“

„Við erum ekki að fara fram á neina ríkisstyrki eða að ríkið hlaupi undir bagga með okkur, það er alrangt. Að okkar mati þarf hið opinbera að auka framkvæmdir til að liðka fyrir byggingariðnaðinum og atvinnumarkaðinum í heild sinni,“ segir Gunnar Sigurðsson, framkvæmdastjóri Sementsverksmiðjunnar á Akranesi og bendir á að auðvitað vilji fyrirtækið að íslensk framleiðsla sé notuð í framkvæmdir hins opinbera í stað innflutts sements.

Frumstæðir ársreikningar leynifélaga

Eigendur um fjörutíu félaga sem íslenskir bankar stofnuðu í skattaparadísum, með millilendingu í Lúxemborg, hafa ekki gert skattayfirvöldum grein fyrir eignum sínum með eðlilegum hætti.

Lýður Guðmundsson: Exista bæði gerandi og fórnalamb

Exista er bæði fórnarlamb og gerandi, segir Lýður Guðmundsson, stjórnarformaður Exista. Skuldir vegna kaupa á Símanum, sem var einkavæddur fyrir fjórum árum, nema nú hátt í fimmtíu milljörðum króna.

Ekkert lát á hækkun Úrvalsvísitölunnar

Úrvalsvísitalan hækkaði enn einn daginn, nú um 1,07% í rétt tæplega 110 milljón króna heildarviðskiptum í Kauphöllinni í dag. Vísitalan stendur nú í 815,4 stigum.

Aalborg Portland mótmælir ríkisaðstoð Sementsverksmiðjunnar á Akranesi

Bjarni Óskar Halldórsson, framkvæmdastjóri Sementsverksmiðjunnar Aalborg Portland á suðurnesjum, er ekki sáttur við að Sementsverksmiðjan á Akranesi krefjist þess að ríkið hlaupi undir bagga með Sementsverksmiðjunni og mismuni hinu danska Aalborg Portland svo þjóðin fái aftur notið sements frá Sementsverksmiðjunni á Akranesi, sem nú er í eigu einkaaðila.

Aldrei mælst jafn mikill þjónustujöfnuður

Þjónustujöfnuðurinn var jákvæður um 7,2 milljarða króna á öðrum fjórðungi þessa árs samanborið við 10,6 milljarða króna halla á sama ársfjórðungi í fyrra, samkvæmt tölum sem Hagstofan birti í morgun. Samkvæmt Morgunkorni Íslandsbanka hefur aldrei áður mælst jafn mikill afgangur af þjónustuviðskiptum við útlönd á öðrum ársfjórðungi.

Áætlun AGS og stjórnvalda gengur brösuglega

Óhætt er að segja að sá hluti aðgerðaáætlunar AGS og stjórnvalda sem snýr að því að ná fram stöðugleika og í kjölfarið styrkingu á gengi krónu með gjaldeyrishöftum, háum vöxtum og verulegum afgangi af vöru- og þjónustuviðskiptum hafi gengið heldur brösuglega frá því áætlunin var sett fram fyrir liðlega níu mánuðum síðan.

Bakkabræður slógu lán fyrir kaupum á Símanum - lánið er ógreitt

Allt lítur út fyrir að Síminn komist aftur í eigu ríkisins innan skamms en Skipti, móðurfélag Símans, skuldar nýja Kaupþingi rúma 54 milljarða króna. Skipti er í eigu Exista, sem aftur er í eigu bræðranna Lýðs og Ágústs Guðmundssonar.

Már Guðmundsson segir krónuna vanmetna

Már Guðmundsson, Seðlabankastjóri, segir í viðtali við Bloomberg fréttaveituna að íslenska krónan sé vanmetin þrátt fyrir mikil gjaldeyrishöft til að koma í veg fyrir frekara hrun krónunnar og afar jákvæðan viðskiptajöfnuð undanfarna ellefu mánuði.

Lýður: Vonbrigði að málaferli gegn Bretum eru ekki hafin

Lýður Guðmundsson, stjórnarformaður Exista, segir að það séu vonbrigði að enn séu ekki hafin málaferli gegn breskum stjórnvöldum vegna aðgerða þeirra gegn Singer & Friedlander banka Kaupþings í Bretlandi. Lýður ræddi þetta m.a. í ræðu sinni á aðalfundi Exista sem haldinn var í dag.

LSR vill halda rekstri Exista gangandi

Lífeyrissjóður starfsmanna ríkisins (LSR) vill halda starfsemi Exista gangandi til þess að hámarka endurheimtur af kröfum sínum á hendur félaginu. Þetta kemur fram á vefsíðu Landssamtaka lífeyrissjóða. LSR vill þó draga verulega úr rekstrarkostnaði.

Yfir 300 milljóna velta í Innovit hagkerfinu

Á aðalfundi Innovit sem fram fór í dag kom fram að heildarvelta Innovit sprotafyrirtækja muni fara yfir 300 milljónir árið 2009 og sköpuð hafa verið 106 ný störf. Í ársskýrslu félagsins sem kynnt var á fundinum kemur einnig fram að í það minnsta tólf ný fyrirtæki hafa verið stofnuð eftir þátttöku sína í Gullegginu, frumkvöðlakeppni Innovit.

Innstæður greiddar tæpu ári eftir hrun

Skiptastjórar Kaupþing Singer og Friedlander hafa tilkynnt innstæðueigendum bankans á bresku eyjunni Mön, að þeir muni fá fyrsta hluta Kaupthing Edge innstæðna sinna greiddar þann 4. september næstkomandi, ellefu mánuðum eftir fall bankans.

Mikil áhættufælni Íslendinga

Mikið lausafé er nú í íslenska fjármálakerfinu. Þetta má meðal annars sjá í nýjum gögnum Seðlabankans um innlán lánastofnana í Seðlabankanum. Þegar kreppir að, sérstaklega í kjölfar bankakreppu líkt og riðið hefur yfir Ísland, frestar fólk neyslu og fjárfestingar dragast hratt saman. Hagsjá Landsbankans segir að innlánsvextir Seðlabankans skipti meira máli en stýrivextir um þessar mundir.

Þjónustujöfnuður jákvæður um 7,2 milljarða

Útflutningur á þjónustu á öðrum ársfjórðungi var samkvæmt bráðabirgðatölum 70,4 milljarðar en innflutningur á þjónustu 63,2 milljarðar. Þjónustujöfnuður við útlönd á öðrum ársfjórðungi er því jákvæður um 7,2 milljarða króna.

Hlutir í Alfesca verða innleystir

Lur Berri Iceland ehf. og stjórn Alfesca hf. hafa ákveðið að þeir hluthafar í Alfesca sem ekki samþykktu yfirtökutilboð Lur Berri Iceland og eru ekki í hópi samstarfsaðila um stjórn og rekstur Alfesca skuli sæta innlausn af hálfu Lur Berri Iceland á hlutum sínum í samræmi við lög um verðbréfaviðskipti.

Bankar vita ekki hverjir eiga félög sem þeir stofnuðu sjálfir

Íslensku bankarnir segjast ekki hafa upplýsingar um hverjir eru eigendur um sjötíu aflandsfélaga sem þeir stofnuðu sjálfir. Bankarnir hér á landi stofnuðu um tvö hundruð og fimmtíu félög í skattaparadísum.

Tekjur af ferðamönnum yfir 100 milljarðar

Flest bendir til þess að ferðaþjónusta muni skila miklum tekjum í kassann á árinu þar sem erlendir ferðamenn virðast skila sér í svipuðum mæli og í fyrra. Meðaleyðsla erlendra ferðamanna eykst jafnan mikið þegar gengi krónunnar er svo lágt sem raunin er nú og má því telja líklegt að tekjur af erlendum ferðamönnum fari langt yfir 100 milljarða króna á árinu samanborið við 74 milljarða í fyrra.

Uppgjör: HB Grandi á góðri siglingu fyrrihluta ársins

Hagnaður HB Granda eftir skatta á fyrstu sex mánuðum ársins nam rétt rúmum sex milljörðum kr. Á sama tímabili í fyrra nam hagnaðurinn hinsvegar 10,8 milljörðum kr.

Eignir BG Holding duga fyrir um 10% af heildarkröfum í þrotabú Baugs

Eignir BG Holding, dótturfélags Baugs á Bretlandi, duga fyrir rétt tæplega 10 prósent af heildarkröfum í þrotabú félagsins, samkvæmt verðmati PricewaterhouseCoopers á eignum BG Holding. Verðmatið var unnið fyrir skilanefnd Landsbankans snemma á þessu ári. Verðmæti helstu eigna BG Holding er samkvæmt skýrslunni 31,5 milljarðar króna en allar helstu eignir Baugs eru skráðar hjá dótturfélaginu.

Úrvalsvísitalan heldur áfram að hækka

Úrvalsvísitalan heldur áfram að hækka og nam hækkunin í dag 1,33%. Það var Færoya Banki sem leiddi hækkunina en hlutir í honum hækkuðu um 5,7%.

Bandaríkjamarkaður að taka slakan í þorsksölunni

Samkvæmt fréttum í innlendum og erlendum vefmiðlum hefur sala á þorski til Bandaríkjanna aukist nokkuð að undanförnu. Er sagt að salan á þorski vestur um haf taki slakann sem myndast hefur á sölunni á þorski til Evrópu, og þá einkum Bretlands og Spánar.

Þorsteinn semur við Kaupþing um skuld

Nýja Kaupþing hefur stefnt Magnúsi Ármann og Kevin Stanford og krefst þess að þeir standi skil á 730 milljóna króna láni til félags í þeirra eigu. Auk þess stefndi Kaupþing Þorsteini Jónssyni, þriðja eiganda félagsins, en hann hefur að eigin sögn samið við bankann.

Enn mikil svartsýni meðal neytenda til efnahagsmála

Væntingar neytenda til efnahags- og atvinnulífsins hækkuðu aðeins á milli júní og júlí síðastliðins. Breytingin er óveruleg og svartsýnin enn allsráðandi hjá íslenskum neytendum. Væntingavísitala Capacent Gallup sem birt var í morgun stóð í 24,9 stigum í júlí og hækkaði um 4,0 stig frá fyrri mánuði.