Get ekki samþykkt frumvarp um Icesave

Lilja Mósesdóttir þingmaður Vinstri grænna segist ekki geta samþykkt frumvarp ríkisstjórnarinnar í icesavemálinu. Hún segist hinsvegar styðja ríkisstjórnina en frumvarpið sé einhliða. Lilja var gestur í Silfri Egils á Rúv í dag.

Keypti Möltufálkann á átta milljarða

Hin gríska Elena Ambrosiadou hefur keypt Möltufálkann, eina flottustu lúxusnekkju veraldar, á um átta milljarða. Elena, sem er vogunarsjóðssstjóri, vinnur sextán tíma á dag, sjö daga vikunnar samkvæmt Sunday Times og hefur því ekki mikinn tíma til að dvelja á snekkjunni.

Reyna að semja um krónubréfin

Seðlabanki Íslands á í samningaviðræðum við Seðlabankann í Lúxemborg, sem er óbeint stærsti erlendi eigandi krónubréfa, um lausn á krónubréfavandanum. Seðlabankastjóri segir að reynt verði að afnema gjaldeyrishöftin eins hratt og mögulegt sé, án þess að taka of mikla áhættu með gengi krónunnar.

Þjóðin ber kostnaðinn af brotum á gjaldeyrislögum

Seðlabankinn hefur sent yfir tuttugu mál er varða brot á gjaldeyrislögum til Fjármálaeftirlitsins og eru mun fleiri slík mál í rannsókn hjá bankanum. Um er að ræða gríðarlegan hagnað hjá þeim sem brotin fremja, og ber íslenska þjóðin kostnaðinn á móti, segir seðlabankastjóri.

Væntanlegur stór hluthafi í MP banka sakaður um mútur

Norðmaðurinn Endre Rösjö sem verður að öllum líkindum næststærsti hluthafi MP banka er sakaður um að hafa hótað blaðamanni hjá norska dagblaðinu Dagens Næringsliv og borið á hann fé.

Gagnrýnir stofnfjáraukningu Byrs

Bankastjóri Íslandsbanka gagnrýnir hvernig stjórn Byrs setti stofnfjáreigendum afarkosti í stofnfjáraukningu sparisjóðsins fyrir tveimur árum. Þeir sem ekki hefðu tekið þátt í því áttu það á hættu að missa hlut sinn í sjóðnum.

Næsta skref er aflétting á útstreymi gjaldeyris

Seðlabankinn hefur stigið fyrsta skref í afnámi gjaldeyrishafta, en innstreymi erlends gjaldeyris til nýfjárfestinga er nú heimilað. Þetta var tilkynnt á fréttamannafundi í Seðlabankanum í morgun.

Aukin skattheimta á flugfélög til að hjálpa bönkunum

Alistair Darling fjármálaráðherra Bretlands hefur viðurkennt að hærri skattar á flugfélög séu settir á til þess að hjálpa bönkunum. Opinbera skýringin fyrir sköttunum er sú að þetta séu svokallaður umhverfisskattar. Darling er hinsvegar heiðarlegur í blöðunum í dag og segir þessa skattheimtu hafa verið nauðsynlega til þess að brúa bilið í ríkisfjármálunum.

Fyrsta skref í afnámi gjaldeyrishafta

Seðlabanki Íslands hefur stigið fyrsta skrefið í afnámi gjaldeyrishafta með því að heimila innstreymi erlends gjaldeyris til nýfjárfestinga og útstreymi gjaldeyris sem kann að leiða af því í framtíðinni. Þetta þýðir að fjárfestar fá heimild án takmarkana til þess að skipta aftur í erlendan gjaldeyri söluandvirði eigna sem þeir fjárfesta í eftir 1. nóvember 2009. Fyrir höfðu erlendir aðilar fulla heimild til gjaldeyrisyfirfærslna vegna vaxtatekna og arðs af fjárfestingum hér á landi. Þetta kemur fram í tilkynningu frá Seðlabanka Íslands nú í morgun.

Ekki lengur hægt að lýsa kröfum í þrotabúið

Frestur til þess að lýsa kröfum í þrotabú Landsbankans rann út á miðnætti. Ætla má að það taki slitastjórnina um þjár vikur að taka afstöðu til krafna, en opinn kröfuhafafundur verður haldinn 23. nóvember.

Tími afskrifta fram undan

Eik Banki tapaði hundrað milljónum danskra króna á þriðja ársfjórðungi. Þetta jafngildir tæpum 2,5 milljörðum íslenskra króna. Á sama tíma í fyrra nam tapið 33 milljónum danskra króna.

Fresta ákvörðun um Nýja Kaupþing

Fjármálaráðuneytið og skilanefnd Kaupþings hafa orðið ásátt um að lengja frest skilanefndarinnar til að taka endanlega ákvörðun um aðkomu kröfuhafa Kaupþings að Nýja Kaupþingi til 30. nóvember.

Hæstu skattgreiðendur af ólíklegasta tagi

Ríki, sveitarfélög, álbræðslur, bandarískir verðbréfasalar og dótturfélög nær gjaldþrota Exista greiða hæstu skatta lögaðila á þessu ári. Hæstu skattgreiðendur í umdæmum landsins eru af ólíklegasta tagi, þannig ratar dúkkulísufyrirtæki bókasafnsfræðings frá Ísafirði inn á topp tíu listann á Vestfjörðum.

Elsta auglýsingamynd Danmerkur á 25 ára afmæli

Auglýsingamyndin fyrir Tuborgs Julebryg, eða jólaölið frá Tuborg bruggverksmiðjunum, þar sem að jólasveinninn hittir ölbíl frá Tuborg er án efa langlífasta auglýsing Danmerkur en hún hefur verið tekin til sýninga á hverju ári undanfarin 25 ár. Fyrir fjölmarga Dani markar hún upphafið að jólaönnunum.

Atorka ræður forstjóra tímabundið

Stjórn Atorku hefur ráðið Benedikt Olgeirsson tímabundið í starf forstjóra Atorku til 31. desember 2009 meðan unnið er að því að ljúka við nauðasamninga félagsins, að því er segir í tilkynningu til kauphallarinnar.

Fer í mál við framleiðenda Lynx vegna kvennmannsleysis

Óheppinn indverskur „rómeó" , Vaibhav Bedi að nafni, hefur höfðað mál gegn framleiðendum Lynx snyrtivaranna þar sem honum hefur ekki tekist að krækja í einn einasta kvennmann öll þau sjö ár sem hann hefur notað Lynx

Stjórnvöld sögð pissa í skó lántakenda

Stjórnvöld eru að pissa í skóinn hjá lántakendum, að mati Stofnunar um fjármálalæsi við Háskólann í Reykjavík sem varar almenning við því að taka boði stjórnvalda um lægri greiðslubyrði. Á endanum muni fólk greiða meira til baka af lánum sínum en ef þau héldust óbreytt.

Eik Banki tapar 2,5 milljörðum á 3. ársfjórðungi

Eik Banki skilaði tapi upp á 100 milljónir danskra kr. eða tæpum 2,5 milljörðum kr. á þriðja ársfjórðungi ársins. Í tilkynningu um uppgjörið segir að samhliða þessu tapi hafi bankinn endurmetið væntingar sínar til ársins í heild og reiknar mú með tapi upp á 150 milljónir danskra kr.

Kröfur í þrotabú Landsbankans streyma inn í sendibílavís

Kröfur í þrotabú Gamla Landsbankans berast nú slitastjórn bankans í sendibílavís. Kröfulýsingarfrestur í þrotabúið rennur út á miðnætti. Ætla má að það taki slitastjórnina um þjár vikur að taka afstöðu til krafna, en opinn kröfuhafafundur verður haldinn 23. nóvember.

Leita hluthafa að Högum erlendis

Jón Ásgeir Jóhannesson og fjölskylda skuldbatt sig til að koma með milljarða í nýju hlutafé inn í móðurfélag Haga þegar sjö milljarða lán smásölurisans var endurfjarmagnað nú fyrr í mánuðinum. Heimildir fréttastofu herma að Jón Ásgeir leiti nýrra hluthafa erlendis.

Afleiður eru þriðjungur af eignum Kaupþings

Heildareignir Kaupþings banka, að teknu tilliti til veðsettra eigna og forgangskrafna, voru metnar á 775 milljarða kr. þann 30/6 2009. Af þeim eignum voru afleiðusamningar metnir á 246 milljarða kr. eða um þriðjungur en á móti þeim hafa mótaðilar lagt að veði reiðufé og aðrar tryggingar að fjárhæð 143 milljarðar kr.

Almenningur væntir 10% verðbólgu eftir ár

Almenningur væntir þess að verðbólgan verði í 10% eftir tólf mánuði samkvæmt könnun sem Seðlabankinn lét gera í síðasta mánuði en niðurstöðurnar birti bankinn í gær. Þegar könnunin var gerð var verðbólgan 10,8% en nú er hún 9,7%.

Bandarískir verðbréfsalar meðal hæstu skattgreiðenda í Reykjavík

Nafn Fluke Finance Co ehf. vekur athygli á lista Skattstjórans í Reykjavík yfir 10 stærstu greiðendur opinberra gjalda lögaðila í borginni. Fluke er verðbréfamiðlun í eigu bandarískra manna og er dótturfélag Fluke International Corp. Opinber gjöld Fluke nema tæpum 530 milljónum kr. og er þar um fjármagnstekjuskatt að ræða.

640 milljóna króna launakrafa þingfest

Mál Williams Fall, fyrrverandi forstjóra Straums fjárfestingarbanka, gegn bankanum var þingfest í morgun. Málið snýst um 640 milljóna króna launakröfu sem Fall telur sig eiga á hendur bankanum.

Markaðsverðbréf rýrnuðu um 3,3 milljarða í september

Staða markaðsskuldabréfa í lok september 2009 nam 1.527 milljörðum kr. og lækkaði um 3,3 milljarða kr. í mánuðinum, samanborið við hækkun upp á 13,4 ma.kr. í mánuðinum á undan.

Góður gangur í framkvæmdum út á Granda

Nú standa yfir framkvæmdir á vegum Faxaflóahafna sf við ýmis verkefni við grjótröðun og frágang hafnarkanta á Slippasvæðinu, frágangur á undirstöðum fyrir göngubrautir við sjó og bygging á útivistar- og setpöllum við Grandagarð 8.

Rekstri Verðbréfunar hætt, NBI kaupir skuldabréfin

Stjórn Verðbréfunar hf. hefur leitað til eiganda félagsins um að rekstri Verðbréfunar hf. verði hætt. Sú ákvörðun hefur verið staðfest af NBI hf.(Nýji Landsbankinn). Ákveðið hefur verið að NBI hf. kaupi útistandandi skuldabréf Verðbréfunar hf. á sama verði og uppgreiðsluvirði safnbréfa félagsins.

Alcan á Íslandi greiddi hæstu gjöldin á Reykjanesi

Álfyrirtækið Alcan á Íslandi greiddi hæstu opinberu gjöld allra lögaðila á Reykjanesi árið 2008 samkvæmt upplýsingum frá skattstjóra Reykjanesskjördæmis. Alcan greiddi alls tæpar 985 milljónir. Kópavogsbær greiddi næstmest opinber gjöld eða tæpar 364 milljónir. Fjöldi á skattgrunnskrá lögaðila er 9.561. Á félög og aðra lögaðila nemur álagningin alls rúmum 16 milljörðum króna en á árinu 2008 nam hún um 17, 6 milljörðum. Lækkun álagningar er því 7,75%.

Árborg greiðir hæstu gjöldin á Suðurlandi

Sveitarfélagið Árborg greiðir hæstu opinberu gjöldin í Suðurlandsumdæmi vegna tekjuársins 2008 samkvæmt álagningu skattstjóra 30. október 2009. Næst hæstu gjöldin greiðir JÁVERK ehf., en þeir greiða rétt tæpar 42 milljónir í opinber gjöld.

Exista Trading greiðir hæstu skatta félaga í borginni

Exista Trading ehf. greiðir hæstu opinber gjöld félaga í Reykjavík í ár eða rúmlega 1,5 milljarð kr. Hæsti greiðandi opinberra gjalda í borginni er ríkissjóður með gjöld upp á 6,1 milljarð kr.

Vöruskiptin orðin 108,7 milljörðum hagstæðari en í fyrra

Vöruskiptajöfnuðurinn fyrstu níu mánuði ársins var 108,7 milljörðum króna hagstæðari en á sama tíma í fyrra . Í septembermánuði voru fluttar út vörur fyrir 43,7 milljarða króna og inn fyrir tæpa 40,6 milljarða króna. Vöruskiptin í september voru því hagstæð um 3,1 milljarð króna. Í september 2008 voru vöruskiptin hagstæð um 9,7 milljarða króna á sama gengi.

SFO með Tchenguiz í sigtinu vegna lána frá Kaupþingi

Efnahagsbrotadeild bresku lögreglunnar, Serious Fraud Office (SFO), er nú að íhuga að hefja opinbera rannsókn á tengslum þriggja breskra auðjöfra við íslensku bankana. Þeir sem hér um ræðir eru Robert Tchenguiz, Mike Ashley og Chris Ronnie.

Bandaríkin sigla út úr kreppunni, hagvöxtur á ný

Landsframleiðslan í Bandaríkjunum jókst um 3,5% á ársgrundvelli á þriðja ársfjórðungi samkvæmt áætlun þarlenda viðskiptaráðuneytisins. Um er að ræða breytingu frá öðrum til þriðja fjórðungs en sambærileg tala fyrir annan ársfjórðung var samdráttur um 0,7%.

Fær Kaupþing Bónus?

Tveir starfsmenn Kaupþings hafa verið skipaðir í stjórn móðurfélags Haga. Félagið er nú skráð í höfuðstöðvum Kaupþings. Jón Ásgeir Jóhannesson og fjölskylda hafa nokkrar vikur til að koma með nýtt fé í reksturinn - takist það ekki lenda Hagar í ríkiseigu.

Segir Ísland ráða við erlendar skuldir sínar

Ef ekki væri fyrir gjaldeyrishöftin þyrftu stýrivextir líklega að vera 40-50%, segir Mark Flanagan, verkefnisstjóri hjá AGS. Hann telur að Ísland ráði við erlendar skuldir sínar, sem jafngilda þrefaldri landsframleiðslu.

Minnkandi eftirspurn eftir olíuborpöllum í Noregi

Minnkandi eftirspurn er nú eftir olíuborpöllum og skipum í Noregi og heldur sú þróun áfram það sem eftir er ársins að mati hagstofu Noregs. Samhliða þessu hafa norskar skipasmíðastöðvar neyðst til að lækka verð sín á olíuborpöllum og skipum.

Hagsjá: Engin þörf á nýbyggingum íbúða næsta ár í borginni

Niðurstöður nýrrar skýrslu sem hagfræðideild Landsbankans hefur gert um fasteignamarkaðinn á höfuðborgarsvæðinu sýnir að engin þörf er á nýbyggingu íbúða á svæðinu á næsta ári. Raunar er ekki mikil þörf fyrir slíkt heldur árið 2011.

Radisson SAS 1919 Hótel hlýtur tvær viðurkenningar

Radisson SAS 1919 Hótel hefur hlotið viðurkenningu sem Leiðandi Hótelið á Íslandi 2009 af World Travel Awards. Þetta er þriðja árið í röð sem hótelið fær þessa virðulegu nafnbót. Nýlega komst hótelið einnig á lista CNBC Business yfir 25 bestu viðskiptahótel í Evrópu.

Greining: Ólíklegt að lánshæfismatið á ríkissjóði lækki

Greining Íslandsbanka telur ólíklegt að alþjóðleg matsfyrirtæki muni lækka lánshæfismatið á ríkissjóði frekar en orðið er. Fyrir langtímaskuldbindingar í erlendri mynt eru einkunnir ríkissjóðs hæstar í bókum Moody´s, þ.e. Baa1, sem er tveimur þrepum ofar en einkunnir hans, þ.e. BBB-, hjá Fitch, S&P og R&I.

Ætla ekki að innheimta ofurlán hjá börnum

Dæmi eru um að Glitnir hafi veitt börnum há lán til stofnfjárkaupa í Byr sparisjóði. Tólf ára barn fékk slíkt lán upp á sex milljónir króna. Tugir stofnfjáreigenda undirbúa málsókn á hendur Íslandsbanka vegna lánanna.

Bankar og lífeyrissjóðir eignast Atorku

Nýi Landsbankinn, Íslandsbanki og lífeyrissjóðir verða stærstu eigendur fjárfestingafélagsins Atorku nái nauðasamningar fram að ganga. Kröfur í félagið nema um 49 milljörðum króna.

Telur að stýrivextir lækki um 0,5 til 1 prósentustig

Greining Íslandsbanka telur að peningastefnunefnd ákveði að lækka vexti bankans þann 5. nóvember næstkomandi. Reiknar greiningin með því að lækkunin verði með þeim hætti að vextir í sjö daga veðlánum til innlánsstofnana verði lækkaðir um 0,5 til 1,0 prósentu, þ.e. úr 12% niður í 11,0-11,5%. Þetta eru þeir vextir sem undir venjulegum kringumstæðum teljast stýrivextir bankans.

ICEQ verðbréfasjóði slitið og eignir greiddar út

Rekstrarfélag Kaupþings banka hf., rekstraraðili ICEQ verðbréfasjóðs, hefur slitið sjóðnum og greitt andvirði eigna sjóðsins til eigenda hlutdeildarskírteina hans. Lokagengi sjóðsins er 90,8 kr. á hlut. Slit sjóðsins miðast við 1. nóvember 2009, að því er segir í tilkynningu til kauphallarinnar.

Auðmaðurinn Karsten Ree til bjargar Amagerbanken

Danskir vefmiðlar flytja fréttir í dag um að auðmaðurinn Karsten Ree ætli að koma Amagerbanken til bjargar með hálfan milljarð danskra kr. í nýju fjárframlagi til bankans.

Landsnet útvegar 5 milljarða með skuldabréfaútgáfu

Landsnet hefur nýlokið útgáfu skuldabréfa að fjárhæð 5 milljarða króna. Um er að ræða fyrstu útgáfu fyrirtækisins á innlendum skuldabréfamarkaði og voru bréfin seld til lífeyrissjóða.